जाजरकोट२३ मंसिर ।जाजरकोटमा प्रतिनिधि र प्रदेशसभा निर्वाचनमा तीनवटै सिटमा वाम गठबन्धनका उम्मेदवार विजयी भएका  छन् । वाम गठबन्धनको तर्फबाट प्रतिनिधिसभाका साझा उम्मेदवार ९नेकपा माओवादी केन्द्र० का शीर्ष नेता एवं पूर्व स्वास्थ्य तथा गृहमन्त्री शक्तिबहादुर बस्नेत विजयी भएका छन् ।

बस्नेतले ३२ हजार २ सय ८१ मत ल्याएर विजयी भएका छन् । भने, उनका निकटतम प्रतिस्पर्धी एवं नेपाली काँग्रेसका प्रतिनिधिसभाका उम्मेदवार राजीवविक्रम शाहले २३ हजार २ सय ८९ मत ल्याएर पराजय भएका छन् ।

त्यस्तै प्रदेश क मा वाम गठबन्धनबाट माओवादी केन्द्रका गणेशप्रसाद सिंह  विजयी भएका छन् । सिंहले १६ हजार ९ सय ११ मत ल्याएर विजयी भएका छन् ।

उनका प्रतिस्पर्धी एवं काँग्रेसका उम्मेदवार वेदराज सिंहले १२ हजार ८ सय ७८ मत प्राप्त गरेर पराजय छन् ।

प्रदेश ख मा वाम गठबन्धनबाट नेकपा ऐमालेका करबीर शाही विजयी भएका छन् । शाहीले १५ हजार १ सय ८५ मत प्राप्त गरी विजयी भएका छन् ।

उनका प्रतिद्वन्द्वी नेपाली काँग्रेसका दीपकजंग शाहले १० हजार ३ सय ६० मत प्राप्त गरेर पराजय भएको मुख्य निर्वाचन अधिकृतको कार्यालय जाजरकोटले जनाएको छ ।