काठमाडौं, ७ मंसिर । नेपाली संचार क्षेत्रमा निष्पक्ष समाचारबाट सुसूचित गराउने उदेश्यले गोर्खा लाइभ अनलाइन उद्घाटन गरिएको छ ।
नेपाल कम्युनिष्ट पाटी (नेकपा)का प्रवक्ता नारायणकाजी श्रेष्ठले आइतवार एक समारोहबीच उद्घाटन गर्नुभएको हो ।
उद्घाटन कार्यक्रममा बोल्दै प्रवक्ता श्रेष्ठले जनतालाई सत्य तथ्य र निस्पक्ष सुचना जानकारी गराउन संचार माध्यमको भुमिका निकै ठुलो हुने बताउनुभयो । उहाले संचार माध्यम आवाज विहीनहरुको आवाज बन्न सक्नुपर्ने बताउनुभयो ।
कार्यक्रममा तीन दशक भन्दा लामो समयदेखि साहित्यक्षेत्रमा योग्दान गर्दै आउनुभएका साहित्यकार सुरेन्द्र महर्जन अमर लाई सम्मान गरिएको छ ।प्रमुख अतिथि नारायणकाजी श्रेष्ठद्वारा साहित्यकार अमरलाई “गोर्खा लाइभ सम्मान–२०७७” बाट सम्मानित गरिएको हो ।
कार्यक्रमको सभापतित्व दिपक गुरुङले गर्नु भएको थियो भने प्रमुख अथिती नेकपाका प्रवक्ता नारायणकाजी श्रेष्ठ रहनुभएको थियो । अथितिमा साहित्यकार सुरेन्द्र महर्जनूअमरू गोर्खा लाइभ डट कमको सफलता एवं उन्नतिको कामना गर्नु भयो । कार्यक्रममा पत्रकार तथा कलाकारहरूको सहभागिता रहेको थियो । कार्यक्रम संचालन पत्रकार बिनिता क्षेत्रीले गर्नुभएको थियो ।
प्रतिक्रिया दिनुहोस्