काठमाडौँ, २० पुस । त्रिभुवन अन्तर्राष्ट्रिय विमानस्थलबाट ५० थान गोलीसहित झापाका एक व्यक्तिलाई प्रहरीले पक्राउ गरेको छ । श्री एयरलाइन्सको १२ बजेर २५ मिनेटको उडानमा भद्रपुर जाने क्रममा झापा मेचीनगर(२ का बद्रीहाङ राईलाई पक्राउ गरिएको प्रहरीले जनाएको छ ।
सुरक्षा जाँचको क्रममा राईको साथबाट ९ एमएम पेस्तोलमा लाग्ने गोली बरामद गरिएको एसएसपी राजेशनाथ बाँस्तोलाले जानकारी दिनुभयो । राई प्रहरी सेवाबाट केही समयअघि अवकाश भएका नायब निरीक्षक (सई) भएको खुलेको छ । उनले प्रहरी ज्याकेट लगाएर ५० थान गोली लिएर हिँडेका थिए । विमानस्थलको आन्तरिक उडानतर्फ जाँच गर्दा दर्ज्यानी चिन्हसहित आरसी राई लेखेको प्रहरी ज्याकेटको खल्तीमा सर्ट मेशीन गन (एसएमजी) र पेस्तोलमा प्रयोग हुने नाइन एमएमको गोली बरामद भएको हो । उनीमाथि थप अनुसन्धान भइरहेको प्रहरीले जनाएको छ ।
९ असार २०८३, मंगलबार
दर्ज्यानी चिन्हसहित आरसी राई लेखेको प्रहरी ज्याकेटको खल्तीमा ५० थान गोलीसहित एक जना पक्राउ
प्रतिक्रिया दिनुहोस्