बुटवल, ५ पुस ।
समृद्ध नेपाल निर्माणको आधार, स्वदेशी उद्यमशिलताको बिस्तार भन्ने मुल नाराकासाथ पुस ६ गतेबाट बुटवलमा सुरुहुने राष्टिय औद्योगिक प्रदर्शनीको तयारी पुरा भएको छ ।
स्वदेशी उत्पादनको मात्र प्रदर्शनी हुने प्रदर्शनीको बिहिबार उपराष्ट्रपति नन्दबहादुर पुनबाट उदघाटन् हुने आयोजक रुपन्देही उद्योग संघले जनाएको छ ।
प्रदर्शनीको पुवसंध्यामा आज बुटवलमा बिशाल जनचेतना ¥याली निकालिएको छ । बुटवल मण्डपबाट सुरुभएको ¥याली बुटवलको बिभिन्न भागको परिक्रमा गर्दै मण्डपमा आएर समापन भएको थियो । प्रदशनीमा बढीभन्दा बढी दर्शकको उपस्थिती बनाउन प्रचारप्रसारलाई बिशेष महत्वकासाथ ब्यवस्था मिलाईएको प्रदशनीका प्रचार संयोजक माधव नेपालले बताउनुभयो ।
रुपन्देही उद्योग संघ र नेपाल उद्योग परिसंघको संयुक्त आयोजनामा संचालन हुने प्रदर्शनीमा ६ लाख बढी दर्शकले अवलोकन गर्ने र ५ करोड बढीको ब्यापार गर्ने आयोजकहरुले अपेक्षा गरेकाछन् ।
प्रदर्शनीको उदघाटनसत्रको एबीसी न्युजबाट प्रत्यक्ष प्रसारण हुने छ ।