बुटवल, ६ पुस ।
उपराष्ट्रपति नन्दकिशोर पुन पासाङले थोरै महंगों भए पनि आफ्नो देशमा उत्पादित बस्तु प्रयोग गर्दा देशको अर्थतन्त्र बलियो हुने बताउनुभएको छ ।
बुटवल उद्योग संघ र नेपाल उद्योग परिसंघको संयुक्त आयोजनामा आजबाट बुटवलमा सुरु भएको १४ औ राष्ट्रिय औद्योगिक प्रदर्शनीको उदघाटन गर्दै उपराष्ट्रपति पुनले सस्तो सामान खरिद गर्ने र मुनाफा धेरै लिएर रातारात धनि हुने मानसिकता बाट मुक्त हुन ब्यवसायीहरुलाई आग्रह गर्नुभयो । उहांल पुरानो औधोगिक नितिलाई परिबर्तन गरि नयां उधोग निति बन्न आवश्यक रहेको बताउंदै राज्यको उद्योग निती निर्यातमुखि बन्न जरुरी रहेको बताउनुभयो ।
उपराष्ट्रपति पुनले विभिन्न कालखण्डका आन्दोलन, सशस्त्र संघर्ष, जनयुद्ध र २०६२÷०६३ को ऐतिहासिक जनआन्दोलनको उपलब्धीहरुलाई संस्थागत गरेको नयां संविधान कार्यान्वयनलाई सुखद पूर्णता दिंदै प्रतिनिधिसभा र प्रदेशसभाको निर्वाचन भर्खरैमात्रै सम्पन्न भएको भन्दै निर्वाचनमा आफ्नो सार्वभौम मताधिकार प्रयोग गर्नुहुने आम मतदाताहरुमा बधाई ज्ञापन गर्नुभयो ।
कार्यक्रममा बोल्दै एमाले उपमहासचिव तथा रुपन्देही क्षेत्र नम्बर २ का प्रतिनिधिसभा सदस्य बिष्णु पौडेलले बुटवललाई प्रदेश केन्द्र बनाउनबाट दांयाबांया बनाउन खोजिए आन्दोलनको आंधी सृजना हुने चेतावनी दिनुभयो ।
मुल आयोजक समितीका अध्यक्ष दिनेश राज रेग्मीले सरकारले जिम्मा दिए बुटवलमा निजीक्षेत्रले स्थायी प्रदर्शनी स्थल बनाउन तयार रहेको बताउनुभयो ।
५ सय बढी स्टलहरु रहेको प्रदशनीमा स्वदेशी उत्पादनहरु मात्र उपलब्ध रहेको आयोजकले दाबी गरेकाछन् । १२ दिन सम्म चल्ने प्रदर्शनीमा ६ लाख बढी दर्शकले अवलोकन गर्ने आयोजकको अपेक्षा छ ।