काठमाडौं, ३ असार ।  पत्रकार सम्मेलनमा पत्रकारले सोधेको प्रश्नको जवाफ दिने क्रममा आक्रोशित भएका राष्ट्रपति जो बाइडेनले पछि पत्रकारसँग माफी मागेका छन् । रुसी राष्ट्रपति भ्लादिमिर पुटिनसँगको जेनेभा सम्मेलनपछि आयोजित पत्रकारसम्मेलनको अन्त्यतिर सीएनएन पत्रकार क्याटलान कोलिन्सले सोधेको प्रश्नको जवाफ दिने क्रममा बाइडेन आक्रोशित भएका थिए ।

पछि एयरफोर्स वान मार्फत जेनेभा प्रवेश गर्नुअगाडि पत्रकारहरुको समुहमा गएर माफी मागेका थिए । अन्तिम प्रश्नको जवाफ दिने क्रममा आक्रोशित भएर आफूबाट गल्ती भएको स्वीकार गर्दै बाइडेनले माफी मागेका थिए । तर उनले पत्रकारहरुले आफूलाई कहिले पनि सकारात्मक प्रश्न नसोधेको भन्दै गुनासो समेत गरेका थिए ।बाइडेनले भने – ‘तपाई राम्रो पत्रकार हुनका लागि नकारात्मक हुनुभयो ।

मलाई लाग्छ, जसले गर्दा तपाईको जीवनमै नकारात्मक दृष्टिकोण बन्यो ।’अगाडिको पत्रकार सम्मेलनमा पत्रकार कोलिन्सले ‘पुटिनले बैठकपछि आफ्नो व्यवहार बदल्ने कुरामा किन उनी पक्का थिएरु’ भनेर प्रश्न सोधेकी थिइन् । त्यतीबेला बाइडेनले आक्रोशित हुँदै भनेका थिए – ‘पुटिनले व्यहार बदल्नेछन् भन्ने कुरामा म पक्का छैन । तपाई सधै के गर्नुहुन्छ रु मैले कहिले पक्का छु भनेर भनें ?’ पुटिनले साइबरआक्रमणमा संलग्नता अस्वीकार गरेको, मानव अधिकार उल्लंघनलाई अवमूल्यन गरेको लगायतका विषयमा पत्रकार कोलिन्सले संकेत गरेकी थिइन् । ‘रचनात्मक बैठक थियो भने किन यस्तो भयो रु’ भन्नेबारे कोलिन्सको प्रश्नमा बाइडेन जंगिए – ‘यदि तपाई त्यती कुरा पनि बुझ्नुहुन्न भने तपाई गलत व्यवसायमा हुनुहुन्छ ।’त्यसपछि बाइडेनले प्रश्नलाई उचित तरिकाले सम्बोधन नगरी स्टेज छाडेका थिए ।पत्रकार कोलिन्सले भने आफूले आफ्नो जागिर गरेको र बाइडेन आफूहरुसँग माफी माग्न अनावश्यक रहेको बताएकी छिन् । कोलिन्सले भनिन् – ‘उनले हामीसँग आएर माफी माग्न पनि जरुरी थिएन । तर उनले मागे, म त्यसको कदर गर्दछु । राष्ट्रपतिलाई प्रश्न सोध्नुको अर्थ सकारात्मक दृष्टिकोण वा नकारात्मक दृष्टिकोण भन्ने होइन । यो त केबल राष्ट्रपतिले कुनै कुरालाई कुन दृष्टिकोणबाट हेरिरहेका छन् भन्ने जान्ने एउटा तरिकामात्र हो ।’