काठमाडौ, १६ पुस । विश्वभरीमा अन्य वर्ष जस्तै यस वर्ष पनि हजारौ पुस्तकहरु प्रकाशित भए । कुनै पुस्तकले राम्रो कन्टेटको कारणले चर्चा पाए भए भने कयौ पुस्तकले विक्रि संगै राम्रो आम्दानी पनि गरे ।

बेलायतको ‘द गार्जियन’ पत्रिकाले यस वर्ष सकिनै लाग्दा सन् २०१७ मा सबैभन्दा धेरै विक्रि भएको पुस्तकको सूची सार्वजनिक गरेको छ । सूचीमा नयाँ पुराना लेखक र उनीहरुका रचनाहरु समावेश भएको छ ।

गार्जियन पत्रिकाले सार्वजनिक गरेको सूचीकोे पहिलो स्थानमा लेखक जेमी ओलिभरको पुस्तक ‘फाइभ इन्ग्रेडियन्स– क्विक एन्ड इजी फुड’ परेको छ । उनको यो पुस्तकको व्यापार १८ करोड ६२ लाख पाउन्ड बराबरको रहेको छ । प्रतिकपि २६ पाउन्ड मूल्यको उक्त पुस्तक ७ लाख १६ हजार ७१ कपि बिक्री भएको छ । पुस्तक २४ अगस्ट २०१७ मा प्रकाशित भएको थियो ।

त्यस्तै डेभिड विलियम्सको पुस्तक ‘ब्याड ड्याड’ सूचीको दोस्रो स्थानमा रहेको छ । गार्जियन पत्रिकाको अनुसार उक्त पुस्तकले ७३ लाख ७६ हजार पाउन्डको कारोबार गरेको छ । गत नोभेम्बर २ मा प्रकाशित भएको सोे पुस्तक ५ लाख ६८ हजार कपि बिक्री भएको थियो ।

सूचीको तेस्रो स्थानमा सरी लपेनाको ‘द कपल नेक्स्ट डोर’ रहेको छ । कुल ४ लाख ४ हजार कपि बिक्री भएको पुस्तकको मूल्य ७।९९ पाउन्ड रहेको छ । सो पुस्तक अप्रिल महिनामा प्रकाशित भएको थियो ।

सूचीको चौथो स्थानमा डेभिड विलियम्सकै ‘द वल्र्डस् वोस्र्ट चिल्ड्रेन– २’ रहेको छ । विलियम्सले सो पुस्तक २५ मेमा प्रकाशित गरेका थिए । पुस्तकको ३ लाख ९४ हजार कपि विक्रि भएको छ । प्रतिपुस्तक १४।९९ पाउन्ड मूल्य कायम गरेको पुस्तकले ९५ लाख १० हजार पाउन्डको कारोबार गर्यो ।

बजार मूल्य २० पाउन्ड कायम गरिएको डान ब्राउनको ‘ओरिजिन’ पुस्तकले पनि निकै राम्रो कारोबार गर्यो । उक्त पुस्तकले ७४ लाख ७४ हजार पाउन्डकै कारोबार गर्दा लि चाइल्डको पुस्तक ‘नाइड स्कुलले पनि २५ लाख १५ हजार पाउन्डको कारोबार गर्यो । ७।९९ पाउन्ड मूल्य कायम भएको उक्त पुस्तक ३ लाख ४१ हजार ८ सय कपि बिक्री भएको हो ।

सन् २०१७ मा गिनेज वल्र्ड रेकर्डस्ले पनि पुस्तक सार्वजनिक गर्यो । ‘गिनेज वल्र्ड रेकर्डस् २०१८’ नाम रहेको पुस्तकले ६१ लाख ४६ हजार पाउन्डको कारोबार गर्न सफल रह्यो । २० पाउन्ड मूल्य कायम भएको उक्त पुस्तक ३ लाख १ हजार कपि बिक्री भएको थियो ।

त्यस्तै, यूभल नोहा हरारीको पुस्तक ‘सपिन्सः अ ब्रिफ हिस्ट्री अफ ह्युमन काइन्ड’ले १३ लाख ३५ हजार पाउन्ड, जेफ किन्नीको पुस्तक ‘डायरी अफ अ किडः द गेट वे’ले ३५ लाख ३८ हजार पाउन्ड तथा फिलिप पुलम्यानको पुस्तक ‘द बुक अफ डस्ट भोल्युम वानः ला बेली’को कारोबार ५२ लाख २८ हजार पाउन्डको कारोबार गर्यो ।

वर्ष २०१६ मा ५२ वर्षीय लेखिका जेके रोलिङको पुस्तक ‘ह्यारी पोर्टर एन्ड क्युयर्ड चाइल्ड प्लेस्कृप्ट’ सर्वाधिक बिक्री भएको थियो ।