भारत । भारतको राजधानी नयाँ“ दिल्लीमा विपद् व्यबस्थापन निर्देशनालयले निजी कार्यालयहरु बन्द गर्न निर्देशन दिएको छ । कोरोना संक्रमणको बढ्दो अवस्थालाई मध्यनजर गर्दै यस्तो आदेश दिइएको हो । डीडीएमएले सबै कार्यालयहरुलाई घरबाटै काम गर्ने प्रवन्ध मिलाउन भनिएको छ । साथै, दिल्लीमा कडा प्रतिबन्ध लगाउदै सबै रेष्टुरेन्ट र बार पनि बन्द गरिएको छ । यसअघि, दिल्लीमा संक्रमण नियन्त्रणका लागि चालिएका कदमहरु प्रभावकारी नभएपछि यो नियम लागु गरिएको हो ।
डीडीएमएको निर्देशनालयका अनुसार आपतकालिन सेवाको लागि मात्र निजी कार्यालय खुल्ला रहनेछन् । सोमबार देशभर एक लाख ६९ हजार बढी संक्रमित हु“दा दिल्लीमा मात्र १९ हजार संक्रमित थपिएका थिए । यसैबीच, उत्तराखण्डको हरिद्वार जिल्ला प्रशासनले जनवरी १४ मा सुरु हुने मकर संक्रान्ति स्नानमा प्रतिबन्ध लगाएको छ ।
प्रतिक्रिया दिनुहोस्