काठमाडौ, १२ असार । कोलम्बियाको उत्तर पश्चिम भेगस्थित एक जलाशयमा करिब १ सय ५० यात्रु सवार डुंगा डुबेको छ ।
सो घटनामा नौ जनाको ज्यान गएको छ भने २८ जना हराइरहेको प्रहरीले जनाएको छ । डुंगा पर्यटकीय नगर ग्वाटापे नजिकै रहेको कृत्रिम जलाशयमा डुबेको हो । सो डुंगामा पानी छिरेपछि छिटोछिटो डुब्न थालेको बताइएको छ । तत्कालै अन्य डुंगाले पीडितहरुको उद्धारको कोशिश गरेका थिए । स्थितिको जाँचबुझ गर्न हवाइ सेनाको हेलिकप्टर त्यहाँ पठाइएको बिबिसीले जनाएको छ । घटनास्थल मेडेइन शहरबाट केही पर रहेको छ । स्थानीय सरकारी अधिकारीहरुले स्थिति गम्भीर रहेको प्रतिक्रिया दिएका छन् । डुंगा डुब्नुको कारणबारे थप विवरण प्राप्त भइसकेका छैनन् ।
२५ श्रावण २०८३, सोमबार
कोलम्बियामा १ सय ५० यात्रु सवार डुंगा डुब्यो
admin
१२ असार २०७४, सोमबार ४ : ०६ बजे
प्रतिक्रिया दिनुहोस्