पुस २४ बुटवल /
पुस २६ गतेबाट मणिग्राममा सुरु हुने तिलोत्तमा व्यापार मेलाको तयारी अन्तिम चरण पुगेको छ । तिलोत्तमा व्यापार संघको आयोजनामा हुन लागेको मेलाको सम्पूर्ण निर्माण कार्य अन्तिम अवस्थामा पुगेको छ ।
मुख्य आकर्षकको रुपमा कमलको फुल आकृतिमा निर्माण गरीएको स्वागतद्धार तयार भै सकेको छ भने ३ सय स्टलहरु पनि तयार भईसकेका छन् । मेलामा भलिबल, कुस्ती र कराते प्रतियोगिता समेत राखिएको आयोजकले जनाएको छ । मेला स्थल आउने दर्शकलाई भरपुर सन्तुष्टि प्रदान गर्न फरकपन दिन हरसम्भव प्रयास गरिएको र मेलाको तयारी ९० प्रतिशत पुरा भएको प्रचार प्रसार समितिका संयोजक हरि प्रसाद उपाध्यायले जानकारी दिनुभयो ।
बुधबारबाट शुरु हुने मेलाका लागी आवश्यक भौतिक संरचना निर्माण लगायतका तयारी सकिएको आयोजकले जनाएका छन । मेलाको सचिवालय, प्रवेशद्धार, स्टल, मञ्च, बालउद्यान लगायतका सबै संरचनाको निर्माण सकिएको आयोजकले जनाएको छ । यहि पुस २६ गतेबाट माघ ९ गते सम्म चल्ने मेलामा ३ सय भन्दा बढि स्टल रहेको छ ।