काठमाडौ,२५ पुस ।  चिकित्सा शिक्षा अध्ययन संस्थान आइओएमको डिनमा डा. शशी शर्मालाई पुनर्वहाली गर्न सर्वोच्च अदालतले आदेश दिएपछि डा. केसीले प्रधानन्यायाधीश गोपाल पराजुलीको राजीनामा माग गर्दै डाक्टर केसीले १४ औ अनशन थालेकै दिन उहालाई पक्रन सर्वोच्च अदालतले आदेश दिएपछि प्रहरीले पक्राउ गरि सर्वोच्चमा पेश गरेको छ । डा. केसीलाई पक्राउ गरेको विरोधमा माइतीघर मण्डलामा आज बिहान भएको प्रदर्शनमा पूर्वप्रधानमन्त्री डा. बाबुराम भट्टराई, पूर्व स्वास्थ्यमन्त्री समेत रहेका नेता थापा, विवेकशील साझा पार्टीका संयोजक रविन्द्र मिश्र पनि सहभागीता थियो । प्रदर्शनपछि सभालाई सम्बोधन गर्दै कांग्रेस नेता थापाले आफूहरुको प्रदर्शन अदालतको सम्मान बढाउन भएको बताउनुभयो । विगतमा राजाविरुद्ध बोलेको अभियोगमा आफूविरुद्ध राजद्रोहको मुद्दा लागेको स्मरण गर्नुभयो । उहाले डा. केसीको अभिव्यक्ति व्यक्तिसंग सम्वन्धित नभई अदालतप्रति सम्मान रहनुपर्छ भन्ने मूल्यमाथि धावा बोलिएको प्रतिरोध भएको उहाले बताउनुभयो । उहाले डा. केसी पक्राउ परेको घटनाले अदालतको प्रतिष्ठा नबढाएको बरु प्रतिशोध साँधेको जस्तो देखिएको बताउनुभयो । चिकित्सा शिक्षा र स्वास्थ्यलाई लिएर डा. केसीले लामो समयदेखि आन्दोलन गर्दै आउनुभएकोले थुप्रै सुधार भएको दाबी गर्नुभयो । चिकित्सा शिक्षा क्षेत्रमा आमुल सुधार ल्याउने कामलाई रोक्न खोजिएको आशंका गर्दै थापाले परिस्थिति बिग्रनबाट रोक्न प्रधानमन्त्रीले अग्रसरता लिनुपर्ने भनाइ छ