काठमाडौं । नेपालमा विगत २४ घण्टामा १ हजार ३ सय ६९ जनामा कोरोना संक्रमण पुष्टि भएको छ ।
८ हजार ८ सय ८० पीसीआर परीक्षणमा १ हजार १३ जना र ३ हजार एन्टिजेन परीक्षणमा ३ सय ५६ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ । पीसीआर परीक्षणको अनुपातमा आजको संक्रमण दर ११ दशमलव ९ प्रतिशत छ । तीन हप्तायता परीक्षणको तुलनामा संक्रमण दर निरन्तर घटिरहेको छ भने निको हुनेको संख्या बढिरहेको छ । त्यसैगरी २४ घण्टामा २ हजार २ सय ३८ जना संक्रमित निको भएका छन् ।
त्यस्तै २४ घण्टामा १२ जना संक्रमितको मृत्यु भएको छ । आज काठमाडौं उपत्यकामा भने ३ सय २९ जना संक्रमित थपिएका छन् । स्वास्थ्य मन्त्रालयका अनुसार काठमाडौंमा २ सय ३५, ललितपुरमा ६४ र भक्तपुरमा ३० जना नया“ संक्रमित थपिएका छन् । हाल देशभर गरी २९ हजार ४ जना सक्रिय संक्रमित छन् ।
प्रतिक्रिया दिनुहोस्