काठमाडौं २७ असार ।
नेकपा एमालेका अध्यक्ष केपी शर्मा ओलीले राष्ट्रपतिले गाडी खरिद गर्न १६ करोड माग गरेको भनेर स्याल हुइया मच्याइएको आरोप लगाउनु भएको छ ।
अध्यक्ष ओलीले गाडी खरिद गर्ने कुरा राष्ट्रपतिलाई मतलव नै नभएको विषय भएको बताउनुभयो । उहाले राष्ट्रपतिलाई गाडी उपलब्ध गराउने काम सरकारको भएको स्पष्ट पार्दै सरोकारनै नभएको विषयमा राष्ट्रपतिलाई विवादमा ल्याउने काम नगर्न चेतावनी दिनुभयो ।
अध्यक्ष ओलीले सत्य, निष्ठासग कुनै सरोकार नभएका गैरजिम्मेवारी तत्वहरुले राष्ट्रपतिले गाडी खरिद गर्न १६ करोड मागेको हावादारी समाचार सम्प्रेषण गरेको दावी समेत गर्नुभयो ।
उहाले महिला राष्ट्रपति बनाएर देखाउन अन्य राजनीतिक दलहरुलाई चुनौति पनि दिनुभयो । मंगलबार काठमाडौंमा भएको ‘नेपालको महिला आन्दोलनको उपलब्धि र साहना प्रधान’ विषयक विचार गोष्ठीमा बोल्दै अध्यक्ष ओलीले एमालेले मात्रै महिला नेतृत्व स्थापित गराउन विशेष नीति लिएर अघि बढेको दावी पनि गर्नु भयो ।

अध्यक्ष ओलीले महिला नेतृत्वको विकासमा नेपालले विश्वमै गर्व गर्न लायक उपलब्धि हासिक गरेको दावी पनि गर्नु भयो । उहाले राष्ट्रपति, प्रधानन्यायाधिश र सभामुख जस्तो नीति निर्माणको तहमा महिलालाई नेतृत्वमा पु¥याउने काम नेपालले मात्रै गरेको दावी गर्नुभयो । अध्यक्ष ओलीले महिला नेतृत्वमाथि जनताले विश्वास गरेको बताउनुभयो । उहाले स्थानीय तहको निर्वाचनमा पुरुषले भन्दा महिलाहरुले बढी मत ल्याउनु महिला नेतृत्वलाई जनताले विश्वास गर्नुको परिणाम भएको बताउनुभयो ।

अध्यक्ष ओलीले सबैको एकतावद्ध प्रयासबाट मात्रै सुःखी नेपाली र समृद्ध नेपाल बनाउने परिकल्पना साकार पार्न सकिने बताउनुभयो । कार्यक्रममा स्वर्गीय साहना प्रधानले नेपालको राजनीतिक आन्दोलन र महिला सशक्तिकरणको क्षेत्रमा पु¥याउनु भएको योगदानको चर्चा गरिएको थियो ।