काठमाडौँ, १४ चैत । त्रिकोणात्मक टी-ट्वान्टी सिरिजको पहिलो खेलमा नेपालले पपुवा न्यूगिनीविरुद्ध ब्याटिङ गर्ने भएको छ । टियु क्रिकेट मैदानमा पपुवा न्युगिनीका कप्तान असाद भालाले टस जितेर पहिला बलिङ गर्ने निर्णय लिएपछि नेपालले पहिला ब्याटिङ गर्ने भएको हो ।
सिरिजमा नेपाल, पपुवा न्यूगिनी र मलेसियाको सहभागिता रहेको छ । सिरिज अन्तर्गत नेपालले पपुवा न्यूगिनी र मलेसियाविरुद्ध दुई-दुई खेल खेल्नेछ । यसअघि पपुवा न्यूगिनीविरुद्धको एकदिवसिय सिरिजमा नेपाल २-० ले पराजित भएको थियो ।
प्रतिक्रिया दिनुहोस्