काठमाडौं, १९ मंसिर ।  नेपाली सांगीतिक क्षेत्रका स्वरसम्राट नारायण गोपाल गुरुवाचार्यको २७ औँ स्मृति दिवस आज विभिन्न कार्यक्रम गरी मनाइँदैछ । विसं १९९६ मा असोज १८ गते काठमाडौंको किलागलमा जन्मिएका नारायण गोपालको निधन २०४७ साल मंसिर १९ गते भएको थियो । नेपाली सुगम संगीतका अजम्बरी गायक नारायण गोपालको सम्झनामा विभिन्‍न कार्यक्रम हुँदैछन्।

नेपाली सांगीतिक क्षेत्रमा अतुलनीय योगदान दिएका नारायणगोपालको २०४७ साल मंसिर १९ गते ५१ वर्षकै उमेरमा निधन भएको थियो। संगीतका हरेक विधाका गीतमा दिएको अद्भूत स्वरका कारण नारायणगोपाल नेपाली सांगीतिक क्षेत्रका सर्वाधिक सफल गायक साबित भएका छन्। उनका ुम त लालीगुँरास भएछु,ु ुए कान्छा ठट्टैमा यो वैंश जान लाग्यो,ु ुएउटा मान्छेको मायाले।।।ु लगायतका थुप्रै कालजयी गीतहरु आज पनि उत्तिकै लोकप्रिय छन् । नारायण गोपालको सम्झनामा आज नारायण गोपाल संगीत कोष लगायत अन्य सांगीतिक संस्थाले विभिन्न कार्यक्रम गर्ने गरेका छन् ।

विसं २०२० सालमा रेडियो नेपालबाट माणिकरत्न स्थापित र प्रेमध्वज प्रधानको संगीतमा गीत गाएर स्वर परीक्षा पास गर्नुभएका थुप्रै कालजयी गीत गाएका छन् । उनलाई २०२३ सालमा सर्वोत्तम संगितकार, २०२४ सालमा सर्वोत्तम गायक, २०३९ सालमा रत्न रेकर्ड पुरस्कार, २०३३ सालमा गोरखा दक्षिणबाहु चौथो, २०४० सालमा इन्द्रराज्यलक्ष्मी प्रज्ञा पुरस्कार, २०४४ सालमा छिन्नलता पुरस्कार, २०४५ सालमा जगदम्बाश्री पुरस्कारबाट सम्मान गरिएको थियो यस्तै २०४८ सालमा त्रिशक्तिपट्ट तेस्रो पुरस्कारले मरणेपरान्त सम्मान गरिएको थियो ।