काठमाडौं, १० माघ । अर्थमन्त्री ज्ञानेन्द्रबहादुर कार्कीले लक्ष्यअनुसार राजस्व संकलन गर्न निर्देशन दिनुभएको छ । बुधबार अर्थ मन्त्रालयमा भएको अर्धबार्षिक राजस्व प्रगति समीक्षा बैठकमा अर्थमन्त्री कार्कीले यस्तो निर्देशन दिनुभएको हो ।

राजस्व प्रणालीमा गर्नुपर्ने सुधारको विषयहरुलाई आत्मसात् गर्दै राजस्व परिचालनलाई सुदृढ वनाउनेतर्फ अग्रसर हुन पनि उहा“ले आग्रह गर्नुभयो ।

मुलुकको संघीय प्रारुप कार्यान्वयनका लागि हाल परिचालन भएको भन्दा निकै बढी राजस्व परिचालन गर्नुपर्ने आवश्यकता रहेको अर्थमन्त्री कार्कीले बताउनुभयो । उहा“ले राजस्वको दायरा बढाउनका लागि मन्त्रालयबाट कस्तो सहयोग आवश्यक पर्छ, त्यसको विषयमा सक्दो सहयोग गरेर अगाडि बढ्ने विश्वास समेत दिलाउनुभयो ।

बैठकमा अर्थराज्यमन्त्री उदयशम्सेर राणाले राजस्व सङ्कलनको लक्ष्य पुरा गर्नका लागी सबै गम्भीर भएर लाग्नुपर्ने धारणा राख्नुभयो । आन्तरिक राजस्व विभागलाई आर्थिक वर्ष २०७४/७५ का लागि २ खर्व ९९ अर्व ९१ करोड ३७ लाख ४५ हजार लक्ष्य तोकिएको छ ।