काठमाडौं१९ पृस । काठमाडौं महानगरपालिकाको खुलामञ्चमा भूमिगत पार्किङ बनाउने योजनाको सर्वत्र विरोध भएको छ । काठमाडौं महानगर प्रमुखमा बालेन्द्र शाह निर्वाचित भएपछि उनलेक हिले सुकुम्वासी वस्तीमा डोजर चलाएका छन् त कहिले कथित टुकुचा खोज्नै भन्दै स्टन्ट गरिरहेका छन् । तर जनस्तरबाट भने बालेन शाहका हरेक कदम विवादमा तानिएका छन् ।

पछिल्लो पटक उनले खुलामञ्चमा भूमिगत पार्किंग बनाउने भनेर अड्डी लिएका छन् । उनको प्रस्ताव महानगरपालिकाभित्रै कसैको ाथ छ्रैन । चुनावताका बालेनलाई नायक बनाएका र मानेका हरु नै यतिबेला उनको कदमको विरोधमा उत्रिएका छन् । खुलामञ्च संरक्षण अभियन्ता र स्थानीय बासिन्दाले सोमबार काठमाडौं महानगर कार्यालय अगाडि प्रदर्शन गरे । उनीहरूले खुलामञ्चमा भूमिगत पार्किङ नबनाउन आग्रह गरेका छन्।

यसको विरोधमा उनीहरूले महानगरकी उपमेयर सुनिता डंगोललाई ज्ञापनपत्र बुझाएका छन्। मेयर बालेन्द्र साहले भेट्न अस्वीकार गरेपछि उनीहरूले उपमेयर डंगोललाई ज्ञापनपत्र बुझाएका हुन्।

उनी कति गैर जिम्मेवार छन् भने कसैको गुनासो सुन्न पनि उनलाई रुचि छैन । जनप्रतिनिधिले के गर्नु पर्छ भन्ने नै भेउ नभएको मानिसलाई मेयर बनाएपछि यस्तै हुने हो भन्दै एमालेका एक नेताले भने ।