काठमाडौँ, १ फागुन । राष्ट्रिय स्वतन्त्र पार्टी (रास्वपा)को केन्द्रीय समिति बैठक आज बस्दै छ । पार्टी केन्द्रीय कार्यालय बसुन्धरामा सोमबार दिउँसो १ बजेका लागि केन्द्रीय समिति बैठक बोलाइएको हो ।
बैठकमा आगामी १० वैशाखमा हुने उपनिर्वाचनबारे छलफल हुने बताइएको छ । त्यस्तै, आजको बैठकमा पछिल्लो समय विकसित राजनीतिक घटनाक्रम, उच्चस्तरीय राजनीतिक संयन्त्रमा भएको छलफलबारेमा ब्रिफिङ र राष्ट्रपति निर्वाचनलगायत विषयमा छलफल हुने छ ।
यसअघि आइतबार बिहान प्रधानमन्त्रीको सरकारी निवास बालुवाटारमा उच्चस्तरीय राजनीतिक संयन्त्रको बैठक बोलाइएको थियो । बैठकमा रास्वपाका सभापति रवि लामिछानेले उपनिर्वाचनबारे चासो राखेका थिए ।
प्रतिक्रिया दिनुहोस्