शुभ नारायण
कामती सिरहा, १३ माघ । सिरहाको मिर्चैया बजारबाट लागु औषध नाइट्रोजन ट्यावलेट र गोलि सहित शनिबार दुईजना पक्रउ परेकाछन् । सिरहाको मिर्चैया बजारबाट स. ७ प. २९९३ नम्बरको रातो अपाची मोटरसाइकलमा बजारमा हिडिरहको अवस्थामा दुबै जनालाई इलाका प्रहरी कार्यालय मिर्चैयाले पक्राउ गरेको हो ।
दुबै जनाको साथबाट कटुवा पेस्तोलमा लाग्ने दुई थान गोली र ९५ थान नाइट्रोसन ट्याबलेट बरामद गरिएको इलाका प्रहरी कार्यालय मिर्चैया का डिएसपी गजुसिधी बज्राचार्यले बताए । पक्राउ पर्नेहरुमा सिरहाको कल्याणपुर नगरपालिका निवासी शितल झा र सिरहा नगरपालिका वडा नं. १ बस्ने सरोज कुमार पासवान रहेको प्रहरीले बताएकाछन् ।
पासवान जिल्ला प्रशासन कार्यालय सिरहामा करारमा कार्यरत कम्प्युटर अपरेटर हुन् भने झा सिरहा सदरमुकाममा एफएम रेडियोको संचालनको तयारी गरिरहेको थियो । दुबैजनालाई मिर्चैया प्रहरीमा राखिएको छ ।
प्रतिक्रिया दिनुहोस्