चितवन, १६ माघ । नेपाल यातायात व्यवसायी राष्ट्रिय महासंघको पाँचौ महाधिवेशन बुधवारदेखी चितवनको रत्ननगरमा सुरु हुदैछ । आगामी योजनासहित नयाँ नेतृत्व छान्नका लागि देशभरका यातायात व्यवसायीक संगठनका प्रतिनिधीहरु चितवन पुगेका छन् ।

महाधिवेशनको तयारी पुरा भएको मंगलवार रत्ननगरमा पत्रकार सम्मेलनको आयोजना गरीे जानकारी दिएको छ । महाधिवेशनको एक समारोहकाबीच उपराष्ट्रपति नन्दवहादुर पुनले उद्घाटन गर्ने कार्यक्रम रहेको नेपाल यातायात व्यवसायी राष्ट्रिय महासंघका महासचिव सरोज सिटौलाले जानकारी दिए ।

महाधिवेशनले आगामी तीन वर्षे कार्यकालका लागि ८३ सदस्यीय नयाँ कर्यसमिति चयन गर्नुका साथै विभिन्न एजेण्डा पारित गरिने महासंघका महासचिव सिटौलाले जानकारी दिए । यातायात क्षेत्रमा देखिएका विद्यमान समस्या समाधानका लागि सरकारबाट नितिगत निर्णय हुन नसक्दा ५ खर्वको लगानी रहेको यातायात क्षेत्र धरासायी अवस्थामा रहेको महासचिव सिटौलाले वताए ।

महाधिवेशनमा यातायात क्षेत्रको विकासका लागि अधिकार सम्पन्न प्राधिकरण गठन गर्नु पर्ने, २० वर्षे सवारी हटाउनु पर्ने सरकारको निर्णय पुर्नविचार गर्नु पर्ने,लाईसेन्स वितरणलाई सहज वनाउनु पर्ने,सवारी साधन आयात,दुर्घटना न्युनिकरण लगायतका एजेण्डामाथी छलफल गरि पारित गरिने उनले वताए ।

महाधिवेशनमा महासंघमा आवद्ध करिव ३ सय वटा संघ,समिति,प्रालिका गरी करिव २ हजार ३ सय जना महाधिवेशन प्रतिनिधी र पर्यवेक्षकको सहभागीता रहनेछ ।

महाधिवेशनले एक अध्यक्ष,३ वरिष्ठ उपाध्यक्ष,८ उपाध्यक्ष,१ महासचिव,,३ उपमहासचिव,३ सचिव,१ कोषाध्यक्ष,१ सहकोषाध्यक्ष,१० वर्गिय संयोजक,७ प्रदेश संयोजक लगायत चयन गर्नेछ । १० जना भने सल्लाहाकार समिति र अन्य सदस्य मनोनित हुने प्रावधान रहेको छ ।