काठमाडौं, ३ चैत्र ।  भारतीय जनता पार्टीका विदेश विभाग प्रमुख डा।विजय चौथाइवाले नेपाल भ्रमणमा आउने भएका छन् । चौथाइवाले एक कार्यक्रममा सहभागी हुन आइतबार नेपाल आउन लागेका हुन् । सडक मार्ग हुँदै साँझ नेपाल आउन लागेका चौथाइवाले धनगढीमा आयोजना हुने कार्यक्रममा सहभागी हुने बताइएको छ ।

भारतको अन्तर्राष्ट्रिय सहयोग परिषद् ९एआरएसपी० र नेपाल–भारत सहयोग मञ्च ९नेपाल०को आयोजनामा शनिवारदेखि धनगढीमा ‘मानस खण्ड’ नामको कार्यक्रम भइरहेको छ । उनी सो कार्यक्रममा सहभागी हुन नेपाल आउन लागेका हुन् । नेपाल–भारतका नागरिक तथा सांस्कृतिक सम्बन्धका विषयमा त्यहाँ छलफल हुने बताइएको छ । सो कार्यक्रममा सहभागी भएर उनी मङ्गलवार काठमाडौँ आउने बताइएको छ ।

सोमवार हुने एउटा सत्रको अध्यक्षता नेपाली काङ्ग्रेसकी नेतृ आरजू राणा देउवाले गर्ने छिन् भने सोही सत्रको सह अध्यक्षता भाजपाका विदेश विभाग प्रमुख चोथाइवालेले गर्नेछन् । सोही सत्रमा नेपालका लागि भारतीय राजदूत नवीन श्रीवास्तव, भगतसिंह तोला, शैलेन्द्र खनाल लगायत वक्ता रहेका छन् । चौथाइवाले प्रधानमन्त्री प्रचण्डलगायत शीर्ष नेताहरूलाई भेटेर दिल्ली फर्किने कार्यक्रम रहेको बताइएको छ ।