काठमाडौँ, १० वैशाख । अर्शदीप सिंहले ४ विकेट लिएपछि पञ्जाब किंग्सले मुम्बई इन्डियन्सलाई हराएको छ । इन्डियन प्रिमियर लिग (आइपिएल)अन्तर्गत वानखेडे स्टेडियममा गएराति भएको खेलमा पञ्जाब १३ रनले विजयी भएको हो ।
पञ्जाबले दिएको २१५ रनको लक्ष्य पछ्याएको मुम्बईले २० ओभरमा ६ विकेट गुमाउँदै २०१ रनमात्रै बनाउन सक्यो। मुम्बईका लागि क्यामरून ग्रीन र सूर्यकुमार यादवले अर्धशतक प्रहार गरे ।
ग्रीनले ४३ बलमा ६ चौका र तीन छक्का प्रहार गर्दै ६७ रन बनाउँदा यादवले २६ बलमा ७ चौका र तीन छक्का प्रहार गर्दै ५७ रनको योगदान ग रे।
कप्तान रोहित शर्माले २७ बलमा ४ चौका र तीन छक्कासहित ४४ रन बनाए । टिम डेभिडले नटआउट २५ रनको योगदान गरे ।
बलिङतर्फ पञ्जाबका अर्शदीप सिंहले चार विकेट लिँदा नाथन इलिस र लियम लिभिङ्स्टोनले एक विकेट लिए ।
टस हारेर ब्याटिङको निम्तो पाएको पञ्जाबले ८ विकेटको क्षतिमा २१५ रन बनाएको थियो । पञ्जाबका लागि कप्तान शाम कुरानले २९ बलमा ५ चौका र ४ छक्काको मद्धतबाट ५५ रन बनाए ।
हरप्रित सिंहले २८ बलमा ४ चौका र दुई छक्का प्रहार गरी ४१ रन बनाए । अथर्व ताइडेले २९, प्रभशिम्रन सिंहले २६, जितेस शर्माले २५ र म्याथ्यू सर्टले ११ रनको योगदान गरे ।
बलिङमा मुम्बईका क्यामरून ग्रीन र पियुस चावलाले दुई विकेट लिए । अर्जनु तेन्डुलकर, जेसन बेरेन्ड्रफ र जोफ्रा आर्चरले समान एक–एक विकेट लिए ।
जितसँगै पञ्जाब ८ अंकसहित तालिकाको पाँचौँ स्थानमा पुगेको छ । मुम्बई ६ अंकसहित सातौँ नम्बरमा छ ।
प्रतिक्रिया दिनुहोस्