धादिङ, ३० वैशाख । धादिङमा गुडिरहेको बसमा आगलागी भएको छ । नीलकण्ठ नगरपालिका–१ पात्लेबाट काठमाडौँ जाँदै गरेको ग१ख ४८४६ नम्बरको बस धुनिबेशी–९ गणेशस्थानमा पुग्दा एक्कासी आगो लागेर जलेको प्रहरीले जनाएको छ ।
बसको इन्जिनबाट धुँवा निस्कनेबित्तिकै सबै यात्रुलाई बाहिर निकालेकाले मानवीय क्षति हुन नपाएको धादिङ प्रहरीले जानकारी दिएको छ । उक्त बसमा ३३ यात्रु रहेको र सबै सकुशल रहेको प्रहरीले जनाएको छ ।
बसमा लागेको आगो राजमार्ग क्षेत्रमा रहेको दमकल र स्थानीयवासीले नियन्त्रणमा लिएका छन् । आगलागीबाट बसका सबै सिट जलेर नष्ट भएका छन् भने अगाडि र झ्यालका सबै सिसामा पूर्णरूपले क्षति पुगेको छ ।
विद्युत् सर्ट भइ बसमा आगो लागेको प्रहरीको अनुमान छ ।
प्रतिक्रिया दिनुहोस्