काठमाडौं । हेटौडा उपमहानगरपलिका १५ स्थित पूर्व–पश्चिम लोकमार्गबाट सशस्त्र प्रहरी बलले ६ करोड रुपैयाँभन्दा बढी मूल्य बराबरको जुत्तासहित तीन ट्रक नियन्त्रणमा लिएको छ ।

एडिडास सुपरस्टार जुत्तासहितको तीन वटा ट्रक नियन्त्रणमा लिएको सशस्त्र प्रहरी बलले जनाएको छ ।

अमेरिकी डलर ४ लाख ८८ हजार १ सय ७३ रुपैयाँ ६३ पैसा (६ करोड ४२ लाख २९ हजार ४ रुपैयाँ ५० पैसा) मूल्य लेखिएको प्रज्ञापनपत्र सहित ना ३ ख ७४५०, ना ३ ख ७६५८ र ना ३ ख ७७५० नम्बरको तीन वटा ट्रकमा लोड भएको एडिडास सुपरस्टार जुत्ताको विल विजक शंकास्पद रहेको भन्ने विशेष सुचनाको आधारमा नम्बर १४ गण मकवानपुरले नियन्त्रणमा लिएको जनाएको छ ।

नियन्त्रणमा लिएको जुत्ता र तीनवटै ट्रक आवश्यक अनुसन्धान तथा कारवाहीको लागि राजश्व अनुसन्धान विभाग हरिहर भवन ललितपुरमा बुझाइएको जनाएको छ ।