काडमाडौं । प्रधानमन्त्री पुष्पकमल दाहाल प्रचण्डको भारत भ्रमणमा आधा दर्जन मन्त्री झण्डै एक दर्जन सचिव र उत्तिकै संख्यामा सह सचिव र महानिर्देशकहरु भोलि भारत भ्रमणमा जाँदैछन् । भ्रमणमा ६ जना मन्त्री, मुख्यसचिव र ८ जना सचिवसहित झण्डै १२० जनाभन्दा बढी रहेको बताइएको छ ।

भारतले प्रधानमन्त्रीको भ्रमण टोलीका लागि ४७ जनाको कोटा खर्च व्योहनेृ कोटा दिए पनि सरकारी टोली नै ५३ जना पुगेको परराष्ट्र मन्त्रालयले भारतीय विदेश मन्त्रालयमा पठाएको छ ।

भारत भ्रमणमा जानेमध्ये २५ जना ‘उच्चस्तरीय’ को नाम मन्त्रीपरिषदले स्वीकृत गरेको छ । उनीहरुमध्ये प्रधानमन्त्रीको सचिवालयका मात्रै १० जना रहेका छन् । प्रधानमन्त्री प्रचण्डसँग उनकी छोरी तथा स्वकीय सचिव गंगा दाहाल, राजनीतिक सल्लाहकार हरिबोल गजुरेल, प्रेस सल्लाहकार गोविन्द आचार्य, स्वकीय सचिव रमेश मल्ल, निजी चिकित्सक युवराज शर्मा लगायत रहेका छन
। नेपाल प्रहरी, सशस्त्र प्रहरी बल, नेपाली सेना र राष्ट्रिय अनुसन्धान विभागका एकएक जना सुरक्षा गार्ड पनि प्रधानमन्त्रीको टीममा परेका छन् ।

यसअघि मन्त्रिपरिषद्ले ५ जना मन्त्रीको भ्रमण स्वीकृत गरेपनि मलकारखाना स्थापना गर्ने विषयमा सहमति भएसंगै कृर्षिमन्त्री कृषिमन्त्री बेदुराम भुसाल समृत थपिएका छन् । भ्रमण टोलीमा समावेश मन्त्रीहरुमा परराष्ट्रमन्त्री एनपी साउद, अर्थमन्त्री डा। प्रकाशशरण महत, ऊर्जा, जलस्रोत तथा सिंचाइमन्त्री शक्तिबहादुर बस्नेत, उद्योग, वाणिज्य तथा आपूर्तिमन्त्री रमेश रिजाल, भौतिक पूर्वाधार तथा यातायातमन्त्री प्रकाश ज्वाला, कृषि तथा पशुपक्षी विकासमन्त्री डा।बेदुराम भुसाल रहेका छन् ।

मुख्यसचिव शंकरदास बैरागी टोलीमा रहने छन् । भ्रमण टोलीमा समावेश ८ सचिवहरुमा परराष्ट्र मन्त्रालयका सचिव भरतराज पौडेल, ऊर्जा, जलस्रोत तथा सिंचाइ मन्त्रालयका दिनेशकुमार घिमिरे, गृह मन्त्रालयका दिनेश भट्टराई, कानून, न्याय तथा संसदीय मामिला मन्त्रालयका धनराज ज्ञवाली, उद्योग, वाणिज्य तथा आपूर्ति मन्त्रालयका मधुकुमार मरासिनी, कृषि तथा पशुपक्षी विकास मन्त्रालयका गोविन्द शर्मा, भौतिक पूर्वाधार तथा यातायात मन्त्रालयका केशव शर्मा, वन तथा वातावरण मन्त्रालयका रेवतीरमण पौडेल रहेका छन् ।
भ्रमण टोलीको एकजना सदस्यका अनुसार ६० जना भन्दा बढी व्यवसायी र डेढ दर्जनजति सञ्चारकर्मीहरु निजी खर्चमा दिल्लीको मेला भर्न जान लागेका छन् ।
भारतको यस्तैखालको प्रधानमन्त्रीको भ्रमणमा मुश्किलले एकजना मन्त्री मात्र समावेश हुने गर्दछन् । त्यसबाहेक एनएसए र विदेशमन्त्री वा सचिव मध्ये एकजना र खुफिया एजेन्सीका एकजना निर्देशक मात्र औपचारिक भ्रमण टोलीमा रहने गर्दछन् । तर नेपालबाट भने प्रधानमन्त्रीको भ्रमण अनावश्यक रुपमा देशै लजाउने गरी मन्त्री, सांसद र कर्मचारीको लस्कर जाने गर्दछ ।