काठमाडौं २० साउन । नेकपा माओवादी केन्द्रको केन्द्रीय समितिको बैठक आज चौथो दिनमा प्रवेश गरेको छ ।
साउन १७ देखि कमलादीस्थित प्रज्ञा भवनमा जारी बैठकको आज चौथो दिन हो।
बिहान ११ बजे सुरु हुने बैठकमा आज पनि केन्द्रीय सदस्यहरूले धारणा राख्नेछन्।
प्रधानमन्त्रीसमेत रहेका अध्यक्ष पुष्पकमल दाहाल ‘प्रचण्ड’ले प्रस्तुत गरेको राजनीतिक तथा सांगठनिक प्रतिवेदनमा केन्द्रीय सदस्यहरूले धारणा राखिरहेका छन्।
हरेक सदस्यलाई बोल्न ५ मिनेटको समय दिइएको छ। माओवादी केन्द्रको केन्द्रीय समितिको बैठक साउन २१ सम्म चल्नेछ।
माओवादी केन्द्रीय समिति ४०७ सदस्यीय बनाइएको छ। यसअघि ३८५ सदस्य रहेकामा ३५ प्रतिशत महिलाको संख्या पुर्याउन २२ जना महिला सदस्य थपिएका हुन्। उनीहरू पनि शुक्रबारदेखि बैठकमा सहभागी भइरहेका छन्।
यस अघि ३ दिनमा १४३ केन्द्री सदस्य बोलिसकेका छन् । बांकी बोल्ने क्रम जारी छ ।
कैन्द्रीय समिति बैठकमा सहभागिले आफ्नो धारणा राख्ने क्रम जारी रहेको छ । शुक्रबार स्थगित केन्द्रीय समितिको बैठक शनिबार बिहान ११ बजेबाट सुरु हुने जनाइएको छ । उक्त बैठकमा पनि केन्द्रीय सदस्यले आफ्नो धारणा राख्नेछन् । बैठकमा केन्द्रीय सदस्य, वैकल्पिक केन्द्रीय सदस्य, विभिन्न आयोगका पदाधिकारी र प्रदेश पदाधिकारी गरी ७५८ जना सहभागी छन् । पहिलो दिन १८ जना र दोस्रो दि पार्टीका बरिष्ठ उपाध्यक्ष नारायणकाजी श्रेष्ठसहित ५६ जना केन्द्रीय सदस्यले आफ्नो धारणा राखेका थिए ।
प्रतिक्रिया दिनुहोस्