काठमाडौं २१ साउन, । माओवादी केन्द्रका अध्यक्ष पुष्पकमल दाहाल प्रचण्डले जनतासंग माओवादी ( विशेष रुपान्तरण अभियान –२०८०) तीन महिने
२०८० भाद्र १६ गतेसम्म सञ्चालन गर्ने प्रस्ताव गरेका छन् । भदौ १६ गते देशभरका ६७४३ वडामा एकैदिन अभियानको उद्घाटन गरेर शुरुवात गर्ने निर्णय भएको छ ।
अभियान भदौ १६ देखि मंसिर १५ सम्म सञ्चालन गरिने छ ।

अभियान अन्तर्गत अध्यक्ष दाहाल सातवटै प्रदेशका ७ वटा वडामा जाने छन् । त्यहाँ गएर उनले जनतासँग प्रत्यक्ष साक्षात्कार गर्नेछन् । ‘नयाँ सन्दर्भमा जनयुद्धकालीन स्टाइलमामा परिचालन हुने छ । अहिलेको जनताको अपेक्षा र राष्ट्रिय आवश्यकताको प्रतिनिधित्व गर्ने काम हुनेछ’ केन्द्रीय सदस्य राजन दाहालले भने, ‘सरकारले लिएको सुशासन, समृद्धि र सामाजिक न्याय प्रदा नगर्ने अभियान छ पार्टी पङ्तीलाई सहभागी गराउन काम हुनेछ । ‘

दाहालका अनुसार पार्टी काम सरकारले लिएको सकारात्मक कामको प्रचार गर्ने रहेको बताए ।
बुधबारदेखि जारी केन्द्रीय समिति बैठकलाई आइतबार सम्बोधन गर्दै प्रचण्डले नेतृत्वविरुद्ध मुद्दा लगाउन खोजेकै कारण तत्कालीन प्रधानन्यायाधीश चोलेन्द्रशम्शेर जबराविरुद्ध महाअभियोग दर्ता गर्नु परेको बताए ।

‘तिनका षड्यन्त्र परास्त गर्न राजनितिक दलले पनि सहयोग गरेर तिनलाई महाअभियोग लगाउनु पर्ने अवस्था आयो’ उनले भने, ‘हामीमाथि मुद्दा लगाउन खोज्नुको पछाडि विचार वर्ग पक्षधरता थियो र आज पनि छ ।’

उनले अघि भने, ‘आज पनि लिडरसिप र पार्टीमाथि घेरावन्दी छ, जेल हाल्ने कुरा गरेका छन् अझै ।’

यद्यपि यो बैठकबाट पार्टी मुख्य नेतृत्वको वरिपरि एकतावद्ध हुने स्थिति बनेको बताए । ‘वाद प्रतिवाद र संवादमार्फत पार्टी एकढिक्का र एकतावद्ध भयो भन्ने लागेको छ’ ३ महिना अभियान चलाएपछि पार्टी नयाँ बन्ने उनले दाबी गरे ।
माओवादीको मुल नेतृत्वमा केन्द्रित भएर हुने आरोपहरुको खण्ड गर्दै अघि बढ्न आग्रह गरेका छन् ।

पार्टीको बुधबारदेखि जारी केन्द्रीय समितिको बैठकलाई सम्बोधन गर्दै सरकारले लिएको भ्रष्टाचारविरोधी अभियानलाई साथ दिएर अघि बढ्न पार्टी पंक्तिलाई आग्रह गरे ।

उनले भने, ‘सरकारले थालेको भ्रष्टाचारविरोधी अभियानको फाइलको टुंगोमा नपुगेसम्म रोकिँदैन । हामीले सुशासनको कुरा उठाएपछि अहिले पार्टी नेतृत्वमाथि प्रहार हुन थालेको छ । अब पार्टी मूल नेतृत्वमा केन्द्रित भएका आरोपहरुको खण्डन गर्दै भ्रष्टाचारविरोधी सरकारले लिएको अभियानलाई साथ दिएर यो केन्द्रीय समिति अघि बढ्नेछ ।’

उनले आफू पार्टीभित्र अध्यक्ष र बाहिर गएपछि देशको प्रधानमन्त्री भएकाले त्यही अनुसार जिम्मेवारी सम्हाल्नुुपर्ने बताए ।

उनले बैठकमा भने, ‘प्रधानमन्त्रीले देशको नेतृत्व हुनुपर्छ, म पार्टी अध्यक्ष मात्र होइन, म त्यही अनुसार अघि बढ्नेछु ।’

अहिले पनि पार्टी र नेतृत्व घेराबन्दीमा छ, नेतृत्वप्रतिको दुष्प्रचारको खण्डन गनुस् : प्रचण्ड
प्रचण्डको प्रस्ताव : ‘आफू र नारायणकाजी ७ प्रदेशका ७ वडामा पार्टी विस्तार गर्न जाने’
माओवादी र जनयुद्धका बेलाको कुरा मात्रै गरेर पुग्दैन : प्रचण्ड
माओवादी पदाधिकारीको जिम्मेवारी हेरफेर