काठमाडौं २१ साउन । उपराष्ट्रपति रामसहाय यादवको चीन भ्रमण जाने भएका छन् । यति नै बेला प्रधानमन्त्री पुष्पमकमल दाहाल प्रचण्डको आसन्न भ्रमणको समते तयारी चलिरहेको छ ।
दक्षिणी चीनको कुन्मिङमा आगामी हप्ता हुन लागेको ‘साउथ एसियन एक्सो’ मा सहभागी हुनेगरी उपराष्ट्रपति यादव चीन भ्रमणमा जान लागेका हुन्।
चीनले प्रत्येक वर्ष आयोजना गर्दै आएको यो एक्सोको यसपटक सातौँ संस्करण हो, जसको यस वर्षको मुख्य विषय सोलिडारिटी एण्ड कोअपरेशन फर कमन डेभलपमेन्ट’ तय गरिएको छ।
चीनको वाणिज्य मन्त्रालय र युनान प्रोभिन्स सरकारले सो एक्सो गर्न लागेका हुन्। सो एक्स्पोसँगै ‘कुन्मिङ एक्स्पोर्ट एण्ड इम्पोर्ट फेयर’ कार्यक्रम पनि आयोजना हुँदैछ।
‘एक्पोमा सहभागिताका लागि मित्रराष्ट्र चीनले उपराष्ट्रपति यादवलाई निमन्त्रणा पठाइसकेको छ, त्यसैअनुरुप उहाँको चीन भ्रमणको तयारी सुरु भइसकेको छ ।
यसअघि सो एक्स्पोमा निवर्तमान उपराष्ट्रपति नन्दबहादुर पुन र त्यसअघिका उपराष्ट्रपति परमानन्द झाले सहभागिता जनाइसकेका छन्।
३१ साउनदेखि ३ भदौसम्म सुरु हुने एक्स्पोमा यसपटक नेपालका उपराष्ट्रपतिको सहभागिता हुन लागेको हो ।
प्रतिक्रिया दिनुहोस्