काठमार्डौ, ३१ साउन । पेट्रोलियम पदार्थको मूल्य वृद्धि भएसँगै यातायात व्यवस्था विभागले सार्वजनिक यातायातको भाडा पनि बढाएको छ ।
नेपाल आयल निगमले मंगलबार रातिदेखि लागु हुने गरी पेट्रोलमा प्रतिलिटर पाँच रुपैयाँ र डिजेल र मट्टीतेलमा १४ रुपैयाँ बढाएको थियो ।
त्यसपछि बुधबार यातायात व्यवस्था विभागले यात्रुवाहक र मालवाहक सवारीको भाडा पनि वृद्धि गरेको हो ।
नयाँ भाडादर अनुसार यात्रुवाहक सवारी साधनको ४।७० प्रतिशत, पहाडी बाटोमा सञ्चालन हुने मालवाहक सवारीको ६।१५ प्रतिशत र तराईमा चल्ने मालवाहक सवारीको ६।८३ भाडा प्रतिशतले बढेको छ ।
प्रतिक्रिया दिनुहोस्