काठमाडौं, १५ भदौ । नेपाली राष्ट्रिय टोलीकी उपकप्तान इन्दु बर्मा बहराइनविरुद्धको खेलमा प्लेयर अफ दि म्याच बनेकी छन्।

इन्दुले ४ ओभरमा २ मेडनसहित मात्र ५ रन खर्चेर ३ विकेट लिएकी थिइन्।

किफायती बलिङ गरेकी इन्दुले खेलपछि भनिन्, आज मेरो दिन थियो, त्यसैले प्रर्दशन राम्रो भयो।

शुक्रबार मलेसियामा भएको आईसीसी महिला टी–२० विश्वकप एसिया क्षेत्र छनोटको दोस्रो खेलमा नेपालले बहराइनलाई १० विकेटले पराजित गरेको थियो।

बहराइनले दिएको ३२ रनको झिनो लक्ष्य नेपालले २।५ ओभरमै पूरा गर्यो। नेपालका लागि ओपनर सीता राना मगर र काजल कुवँरले ३२ रनको अविजित साझेदारी गरेपछी नेपालले सहज जित निकालेको हो। कविता १७ र सीता २ रनमा नटआउट रहे।

त्यसअघि मलेसियाको क्वालालम्पुरस्थित वायोमास ओभलमा टस जितेर पहिले ब्याटिङ गरेको बहराईन १५।४ ओभरमा ३१ रनमा अलआउट भएको थियो।