काठमाडौं,१७ भदौ । प्रमुख प्रतिपक्ष दल नेकपा एमालेका उपाध्यक्ष सुरेन्द्र पाण्डेले व्यवसायी मीनबहादुर गुरुङलाई हिरासतमा राखेर गलत गरिएको बताएका छन् ।
आइतबार काठमाडौंमा नेपाल उद्योग तथा व्यवसायी महसंघले आयोजना गरेको आर्थिक क्षेत्रका विद्यमान समस्या र चुनौती विषयमा कार्यक्रममा उनले गुरुङलाई बाहिर नै राखेर अनुसन्धान गर्नुपर्नेमा जोड दिए ।
यो घटनाले आमव्यवसायीलाई त्रासमा राखेको उनको भनाइ छ । “सरकारले व्यवसायी मीनबहादुरलाई हिरासतमा राखेर गलत गरेको छ । उनको देशभर २८ वटा भाटभटेनी छन्, ती भाटभटेनीका बिल्डिङ बोकेर उनी भग्छन् ? ” पाण्डेले प्रश्न गरे, “व्यवसायीलाई अपराधीजस्तो व्यवहार भयो, यो गलत हो । यसले व्यवसाय वृद्धि हुँदैन । यो सच्याउनुपर्छ ।”
प्रतिक्रिया दिनुहोस्