काठमाडौं, १९ भदौ । प्रमुख प्रतिपक्ष दल नेकपा एमालेका सांसद गोकुल बाँस्कोटाले निवर्तमान मन्त्रीहरू सोही प्रकृतिको संसदीय समितिमा बस्न नहुने बताएका छन् ।
मंगलबार सिंहदरबारमा बसेको प्रतिनिधिसभाअन्तर्गतको लेखा समितिको बैठकमा उनले तथ्यमा टेकेर निर्णय गर्नुपर्नेमा जोड दिए ।
“पूर्वमन्त्री र भर्खर बाहिर निस्केका मन्त्रीहरू सोही समितिमा नबसौँ । तरंगित भएर हैन, तथ्यमा टेकेर निर्णय गरौँ,” उनले भने, “उजुरी आएपछि ‘फ्याक्ट चेक’ गरेर मात्र प्रस्तुत गरौँ । एकै प्रकृतिको मान्छेहरू एउटै समितिमा थुप्रो नलागौँ ।”
उपसमिति बनाएर बिरोलो बाँध्ने काम मात्र गर्न नहुने उनले बताए । “काम टप टु बटम गर्ने, लेटेस्ट प्रतिवेदनबाट काम सुरु गरौँ । टाइसिट बनाऊँ,” उनले भने, “उपसमिति बनाए पनि बिरालो बाँध्ने काम मात्र नगरौँ । जवाफदेही बनौँ ।”
प्रतिक्रिया दिनुहोस्