काठमाडौं १३ असोज । नेकपा एमाले बागमती प्रदेश कमिटीको शुक्रबार सम्पन्न पहिलो अधिवेशनमा निर्वाचन प्रक्रियाबाट पदाधिकारीको चयन भएको। छ।

अध्यक्षमा रामेछापका कैलाश ढुंगेल विजयी भएका छन्। ढुंगेल विजयी हुँदा मकवानपुरका कृष्णप्रसाद दाहाल पराजित भए।

ढुंगेलले ६९६ मत ल्याउँदा पराजित भएका दाहालले ४३९ मतमा ल्याएका थिए ।

बागमती प्रदेश सरकारको अघिल्लो कार्यकालमा आर्थिक मामिला तथा योजना मन्त्री बनेका ढुंगेललाई बालकोट (अध्यक्ष केपी शर्मा ओली) ले सर्वसम्मत अध्यक्ष बनाउन चाहेका उमेद्वार थिए।

ढुंगेललाई अध्यक्ष बनाउन ओलीनिकट पोलिट्व्यूरो सदस्य महेश बस्नेतसहितका नेताहरु खुलेर लागेका थिए।

तीन दिनसम्म अध्यक्ष ओली लगायत उनीनिकटका नेताहरु मकवानपुरका दाहालको उम्मेदवारी फिर्ता गराउने प्रयासमा जुटिरहेका थिए। तर दाहालले कुनै हालतमा निर्वाचनमा होमिने निर्णय सुनाएपछि मतदान भएको हो।

वाम गठबन्धनबाट २०७४ मा प्रदेशसभा तय गरेका उनी एमाले–माओवादीको गठबन्धन सरकारमा आर्थिक मामिला तथा योजना मन्त्री भएका थिए।

प्रतिनिधि सभामा भने तीनपटक उम्मेदवार बनेका उनी लगातार पारजित भएका थिए । ढुंगेल ४ मंसिर २०७९ मा सम्पन्न प्रतिनिधि निर्वाचनमा कांग्रेसका पूर्णबहादुर तामाङसँग पराजित भएका थिए।

सचिवमा पूर्व डिआइजी नवराज सिलवाल १ मत बढीले विजयी
सचिवमा पूर्व डिआइजी नवराज सिलवाल एक मत बढीलेविजयी भएका छन् । सिलवाल ढुंगेल प्यानलका हस्त पण्डितभन्दा १ मत धेरैले विजयी भएका हुन्। सिलवालले ५६८ मत पाउँदा पण्डित ५६७ मत ल्याउँदै पराजित भए।

उपाध्यक्षमा दावादोर्जे लामाले विजयी भएका छन् । उनी अध्यक्षमा विजयी ढुंगेल प्यानलका हुन्। उनलेले ६१५ मत प्राप्त गरे।

उता सचिवमा भने अध्यक्षमा पराजित दाहाल प्यानलका पूर्व डिआजी नवराज सिलवाल विजयी भएका छन्। सिलवाल ढुंगेल प्यानलका हस्त पण्डितभन्दा १ मत बढीले विजयी भएका हुन्। सिलवालले ५६८ मत पाउँदा पण्डित ५६७ मत ल्याउँदै पराजित भए।

खुला उपसचिवमा ढुंगेल प्यानलबाट प्रेमकुमार महर्जन ५९९ मतसहित विजयी भएका छन्। महिला उपसचिवमा दाहाल प्यानलकी भक्तकुमारी लामा ५३६ मतसहित विजयी भएकी छन्।

शुक्रवार दिउँसो सवा १ बजेदेखि सुरू भएको मतदान साँझसम्म भएको थियो। ११७२ जना मतदातामध्ये ११३१ जनाले हालेका थिए। ४१ जना अनुपस्थित भएको निर्वाचन समितिका संयोजक डिल्ली मैनालीले बताए।