काठमडौं १३ असोज ,। चीनको औपचारिक भ्रमण सकेर प्रधानमन्त्री पुष्पकमल दाहाल प्रचण्ड आज (शनिबारं) बिहान काठमाडौं आइपुगेका छन्।

प्रधानमन्त्री प्रचण्ड सवार एयर चाइनाको विमान शनिबार बिहान काठमाडौंस्थित त्रिभुवन अन्तर्राष्ट्रिय विमानस्थलमा ११ बजे अवतरण गरेको हो ।
प्रधानमन्त्री प्रचण्ड सेप्टेम्वर १६ मा संयुक्त राष्ट्रसंघको महासभालाई सम्वोधन गर्नेगरी अमेरिकाको न्युयोर्क गएका थिए ।
अमेरिकामा ६ दिन विताएका प्रचण्ड २१ सेप्टेप्मबरमा न्युयोर्कबाट चीनको हांगचाउ पुगेर १९ एशियाली खेलकुद समारोहमा सहभागी भएका थिए ।
२४ सेप्टेम्वरमा बेइजिंग पुगरे समकक्षी ली छ्यांगसँग दुई पक्षी वार्ता गरेका प्रचण्ड २६ सेप्टेम्वमा छोंगछिंग र २७ सेप्टेम्बरमा ल्हासा पुगेका थिए । २८ तारिखमा कैलाश पर्वत र मानसरोवर पुगेका उनी हिजो ल्हासा हुंदै छेन्दु पुगेका थिए ।

छेन्दुमा पाण्डा व्रिडिंग सेन्टरको अवलोकन गरेर शनिवार आज उनी स्वेदेश फर्केका हुन् । सम्भवत: कुनै नेपाली प्रधानमन्त्री लगातार १५ दिन बाहिर बसेको रेकर्ड पनि प्रचण्डले नै बनाएका छन् ।

त्रिभुवन अन्तर्राष्ट्रिय विमानस्थलको अति विशिष्ट कक्षमा प्रधानमन्त्री दाहाललाई सभामुख देवराज घिमिरे, राष्ट्रियसभाका अध्यक्ष गणेशप्रसाद तिमिल्सिना, उपप्रधानमन्त्री एवम् रक्षामन्त्री पूर्णबहादुर खड्का, उपप्रधानमन्त्री एवम् गृहमन्त्री नारायणकाजी श्रेष्ठ, मन्त्रीगण, सांसदहरु, सुरक्षा निकायका प्रमुख, विभिन्न राजनीतिक दलका नेता, नेपाल सरकारका उच्च अधिकारीले स्वागत गरे ।

प्रधानमन्त्रीको सम्मानमा नेपाली सेनाले विमानस्थलमा स्वागत सलामी अर्पण गरेको थियो । प्रधानमन्त्री दाहाल नेतृत्वको प्रतिनिधित्व मण्डल आज चीनको छन्दुबाट नेपाल फर्किएको हो । उनलाई सिचुवान प्रान्तका उच्च अधिकारी, नेपालका लागि चिनियाँ राजदूतलगायतले बिदाइ गरेका थिए ।

प्रचण्डको ल्हासा र छोंगछिंगमा रणनीतिक वार्ता, मानसरोवरमा शिलापुजनको तस्वीर सार्वजनिक