काठमाडौं, ६ कात्तिक । सर्वप्रथम गैरआवासीय नेपाली संघको उपाध्यक्ष पदमा पुनः निर्वाचित गराउनुभएकोमा आदरणीय गैरआवासीय नेपाली दाजुभाइ तथा दिदीबहिनी सबैमा हार्दिक आभार व्यक्त गर्दछु । निर्वाचन समितिले प्रकाशन गरेको निर्वाचन नतिजा यहाँ हेर्न सक्नुहुनेछ।
निर्वाचनका क्रममा मैले देखेका विषयहरू यहाँहरूसमक्ष पेस गर्न चाहन्छु।

१० यसपटक अनलाइन प्रणालीबाट निर्वाचन गरिएको थियो। अनलाइन निर्वाचन गराउने कम्पनी छान्नको लागि एक पाँच सदस्यीय समिति गठन गरिएको थियो। यस समितिमा महेश श्रेष्ठ, आरके शर्मा, गौरी जोशी, डा केशव पौडेल र सुनील शाह रहनुभएको थियो। यस समितिको सिफारिसमा अस्ट्रेलियास्थित भेरो भोटिङ कम्पनीलाई छनोट गरिएको थियो। यस कम्पनीले एनआरएनए अस्ट्रेलियाको ४ वटा निर्वाचन गरिसकेको छ भने गत जुलाईमा अमेरिका, क्यानाडा, अस्ट्रेलिया, युके, जापान, कतारलगायतका ९ राष्ट्रिय समन्वय परिषद एनसीसी को निर्वाचन सम्पन्न गरेको थियो।

२० यसपालि अन्तर्राष्ट्रिय समन्वय परिषद एनसीसी ४२२५ प्रतिनिधिहरूमध्ये नेपालमा आएका प्रतिनिधिहरूलाई सोल्टी होटलस्थित मतदान केन्द्रमा उपस्थित भएर अनलाइनबाट मतदान गर्ने व्यवस्था गरिएको थियो भने नेपालबाहिर हुनेले आफ्नै डिभाइसबाट मतदान गर्ने व्यवस्था गरिएको थियो। नेपाल र नेपालबाहिरबाट प्राप्त मतको प्रारम्भिक मत परिणाम अक्टोबर १९ तारिख मध्यरातमा प्रकाशन गरिएको थियो ।

३०  प्रारम्भिक मत परिणाम प्रकाशन हुने क्रममा उपाध्यक्षका उम्मेदवार डा केशव पौडेलको नेपालबाट खसेको मत नसमेटिएको विषयलाई लिएर केही विवाद उत्पन्न भएको थियो। तर यस विषयका सम्बन्धमा भेरो भोटिङ कम्पनीले प्रस्ट गरी अन्तिम प्रतिवेदन निर्वाचन समितिलाई पेस गरेको थियो, जसअनुसार डा केशव पौडेलले नेपालबाट प्राप्त गरेको ३५६ मत थप गरी विजयको घोषणा गरेको छ।

भेरो कम्पनीका अनुसार, निर्वाचनको अन्तिम समयमा डा केशव पौडेलको नामको सुरू नामको हिज्जेमा भीको ठाउँमा बी परिवर्तन गर्न अनुरोध गरिएका कारणले नेपालबाट खसेको मत तालिकामा नदेखिए पनि खसेको मत रेकर्डमा नै थियो। नसमेटिएको मतका सम्बन्धमा भेरो भोटिङ कम्पनीले सबै प्रतिनिधिहरुलाई जुममार्फत् प्रष्ट गरेको थियो भने यसबारे लिखितरुपमा स्पष्टीकरण पनि पेस गरेको छ।

नसमेटिएको मतबारे भेरो कम्पनीसँगको संवाद महाधिवेशन हलमा प्रत्यक्ष प्रसारण गर्ने प्रयत्नलाई केही उम्मेदवारहरूले असफल बनाएका थिए। कम्पनीसँगको संवादको जुम रेकर्डिङ सार्वजनिक गर्न प्रतिनिधिहरूले माग गर्नुभएको थियो ।

४० भेरो कम्पनीले पेस गरेको अन्तिम प्रतिवेदनका आधारमा अक्टोबर २१ तारिख शनिबार सोल्टी होटलमा निर्वाचन समितिले नवनिर्वाचित समितिलाई सपथग्रहण गराएको छ।

५० ११औँ महाधिवेशनमा बाँकी रहेका प्रकृया आर्थिक र वार्षिक प्रतिवेदनमाथि छलफल अक्टोबर २२ तारिख आइतबार जुममार्फत् गरी ११औँ महाधिवेशन समापन गरिएको छ।

६० भेरो कम्पनीले गरेको निर्वाचन परिणामका सम्बन्धमा अध्ययन गर्न विदेशी आईटी विशेषज्ञहरु रहेको एक समिति गठन गरिनेछ । अध्ययन रिपोर्टअनुसार उचित निर्णय गरिनेछ।

७० भेरो कम्पनीमार्फत् प्राप्त भएको मत परिणामलाई रुजु गरेर प्रकाशन गरेको भए विवाद उत्पन्न हुने थिएन। गत जुलाई महिनामा सम्पन्न भएको एनसीसी अमेरिकाको नतिजा प्रकाशन गर्दा देखिएका केही असमझदारीबाट पाठ सिक्दै निर्वाचनको नतिजा भेरोबाट निर्वाचन समितिलाई प्राप्त हुँदासाथ जस्ताको जस्तै प्रकाशन गर्नुपर्ने निर्णय कार्यकारी सचिवालयले गरेको थियो कतै डेटा म्यानिपुलेसन नहोस् भनेर ।

निर्वाचन परिणाम निर्वाचन समितिले रुजु गर्न पाएको भए सम्भवतः नसमेटिएको डा केशव पौडेलको मतबारे प्रकाशन हुनुभन्दा पहिले नै पत्ता लाग्ने थियो। अथवा उनको नेपालको मत ‘शून्य’बारे तुरुन्तै भेरो कम्पनीको प्रतिनिधिलाई सोधेको भए त्यतिखेर नै समाधान आउने थियो। तर त्यसतर्फ नलागी संस्थाको अध्यक्षले नै पूरै निर्वाचन बदर हुनुपर्छ भनेर मासलाई उत्तेजित पारेपछि हलमा केही अस्वाभाविक व्यवहार देखिएको थियो ।

८० नसमेटिएको मतबारे अध्यन गरी समस्या समाधान गर्न लाग्नुको सट्टा २० तारिख बिहानै कुल आचार्यज्यूको नेतृत्वमा प्रधानमन्त्रीलाई भेटेर निर्वाचन बदर गर्न माग गरेको र प्रधानमन्त्रीले परराष्ट्रमन्त्रीको परामर्शमा निर्णय लिने जवाफ दिएको जानकारी प्राप्त भयो। २० तारिखका पूर्वनिर्धारित कार्यक्रमहरु ९एनसीसी रिपोर्ट, आर्थिक प्रतिवेदन, वार्षिक प्रतिवेदनलाई निरन्तरता दिएर अधिवेशन समापन गर्नतिर लाग्नुको सट्टा अध्यक्ष कुल आचार्यले कार्यकारी अध्यक्ष डा बद्री केसीलाई जानकारी नदिई प्रधानमन्त्रीलाई समापन समारोहमा अनुपस्थित नहुन आग्रह गर्नुभएको थियो ।

९ यसपटक एनसीसीहरू निर्वाचन, प्रतिनिधि छनोट र १९ तारिखमाभएको निर्वाचन विगतमा भन्दा निकै कम विवादित थियो। निर्वाचनमा निकै उत्साह थियो। निर्वाचनको अवधिभर कुनै विवाद देखिएको थिएन। नामको स्पेलिङमाभएको सानो त्रुटिलाई लिएर पूरै निर्वाचन बदर गरी पुनः र्वाचन गराउनुपर्ने वा २०२१ मा झैँ सहमतिको समिति बनाउनुपर्नेबारे छलफल भएको थियो।

यस्ता विकल्पबारेको छलफलको नेतृत्व निवर्तमान र एक पूर्वअध्यक्षले गरेका थिए। तर संस्थापक र अभियन्ताहरु भीम उदास, राम थापा, जीवा लामिछाने, रतन झालगायतले भेरो भोटिङको ब्रिफिङ सुनेपछि सच्याउन सकिने समान्य त्रुटिको कारणले यस्ता विकल्पतर्फ जान नहुने, बरु सबै पक्षको प्रतिनिधित्व हुने गरी स्वतन्त्र आईटी विज्ञहरूले भोटिङ लग अध्ययन गर्न सकिने सुझाव दिएका थिए। त्यसैअनुसार हामीले आईटी विज्ञहरूको टिममा रहन सक्ने व्यक्तिको नाम दिन आरके शर्मालगायतको टिमलाई पत्राचार गरिसकेका छौं।

अन्त्यमा, महाधिवेशनमा देखिएका अस्वाभाविक घटनाप्रति उपाध्यक्षको हैसियतले सबै प्रतिनिधि साथीहरू, एनसीसी र आईसीसी पदाधिकारीहरूप्रति क्षमाप्रार्थी छु। यसपटकको निर्वाचनले रुपान्तरणको एजेण्डा अनुमोदन गरेको छ र एनआरएनएमा पैसा, पावर र पोलिटिक्सबिना पनि निर्वाचन जित्न सकिने रहेछ भन्ने मान्यता स्थापित गरेको छ। एनआरएनएभित्र दलीय राजनीति गर्ने साथीहरूभन्दा स्वतन्त्र र प्राज्ञिक उम्मेदवारलाई मतदाताले मन पराए। प्रतिनिधिको मतको सबैले सम्मान गरौँ।

एनआरएनए कब्जा गर्न खोज्ने राजनीतिक दलका नेताहरूले भने एउटा भ्रम त्याग्नुपर्ने देखियो।

५०(६० लाख गैरआवासीय नेपालीहरू बाहिर बस्छन्। तीमध्ये एनआरएनएको चुनावको लागि भनेर मुस्किलले १ लाख सदस्य बन्छन्। १ लाख सदस्यबाट छानिएका करिब ४ हजार प्रतिनिधिले चुनावमा भाग लिन्छन्। एनआरएनको निर्वाचन पूर्णरूपमा पार्टीगत आधारमा हुँदैन, एनआरएनएभित्रको समीकरण आफ्नै खालको हुन्। त्यसैले एनआरएनएको निर्वाचनमा कसैको जित र हारलाई पार्टीहरूले आफ्नो प्रतिष्ठासँग जोड्नुहुँदैन।

निर्वाचन परिणामलाई अस्वीकार गरेर कलंकको टीका लगाउनेतिर नलाग्नूस्। कमसेकम नेपाली कांग्रेसजस्तो लोकतन्त्रमा विश्वास गर्ने दल र यसका कार्यकर्ताले त्यतातिर सोच्नै हुँदैन।  बदनाम कार्यकर्ताको पछि लागेर डायस्पोरा नेपालीको चित्त दुखाउनुभयो भने २०८४ को आमनिर्वाचनमा थप बालेन, हर्क र रविहरू जन्मिने पक्का छ। एनआरएनए कब्जा होइन, आमगैरआवासीय नेपालीहरूको मन कब्जा गर्ने बाटोमा लाग्नूस् ।