काठमाडौ १० मंसिर । काठमाण्डौको न्यूनतम तापक्रम हिजोको भन्दा आज घटेको छ ।हिजो न्यूनतम तापक्रम १२ दशमलव ५ डिग्री सेल्सियस रहेकोमा आज १० डिग्रीमा झरेको मौसमविद् रोजन लामिछानेले जानकारी दिनुभयो । उनका अनुसार नेपालमा अहिले पश्चिमी वायुको प्रभाव परेको छ ।

यसले गर्दा मौसम बदलीसँगै चिसो हावा चल्न थालेको छ । न्यूनतम र अधिकतम तापक्रम घट्न थालेको छ।काठमाण्डौ उपत्यकासहित धेरै जिल्लामा दिउँसोको समयमा न्यानो भए पनि हुम्ला, जुम्ला र जोमसोमको न्यूनतम तापक्रम माइनसमा छ ।

हुम्ला, जुम्ला र जोमसोम क्षेत्रमा विगत केही दिनदेखि चिसो हावा चलिरहेको छ भने हिमपात पनि भइरहेको छ।यस्तै, आज सुदूरपश्चिम, कर्णाली र गण्डकी प्रदेशका पहाडी क्षेत्रमा मौसम बदली हुने सम्भावना रहेको मौसमविद् रोजन लामिछानेले जानकारी दिए।भोलि सुदूरपश्चिम र कर्णाली प्रदेशका केही पहाडी क्षेत्रमा हल्का वर्षाको अनुमान गरिएको छ । यस्तै, हिमपातको पनि सम्भावना रहेको मौसमविद्ले बताएका छन् ।