काठमाडौं, ११ मंसिर । अख्तियार दुरुपयोग अनुसन्धान आयोगले सुनसरीको रामधुनी नगरपालिकाका तत्कालीन उपप्रमुख सविना कुमारी चौधरीसहित नौजनाविरुद्ध भ्रष्टाचार मुद्दा दायर गरेको छ । उनीहरूले गैरकानुनी लाभ र हानि पु¥याई भ्रष्टाचार गरेको ठहर गर्दै अख्तियारले सोमबार विशेष अदालतमा मुद्दा दायर गरेको हो ।

अख्तियारले मुद्दा दायर गरेका अरू व्यक्तिमा रामुधनी नगरपालिकाका तत्कालीन प्रमुख प्रशासकीय अधिकृत ओमकारप्रसाद न्यौपाने, लेखा अधिकृत द्वारिकाप्रसाद दाहाल, इन्जिनियर देवेन्द्रनारायण चौधरी र सबइन्जिनियर हर्षलाल चौधरी छन् ।

यस्तै, रामुधनी–३ का तत्कालीन वडाध्यक्ष राजकुमार चौधरी, रामुधनी–३ कै तत्कालीन वडा सदस्य नगर कार्यपालिका सदस्य० टीकालक्ष्मी श्रेष्ठ, योजना शाखाका सहायक पाँचौँ तहका सुनीलकुमार चौधरी र जालपा सिद्ध निर्माण सेवा, सुनसरीका प्रोपाइटर नानुकुमारी निरौला बस्नेत०विरुद्ध पनि मुद्दा दायर गरिएको छ ।

रामुधनी–३ स्थित रामधुनी गेटबाट रामधुनी मन्दिर जाने मूल सडक कालोपत्र गर्ने कार्यमा वास्तविक भएको कार्यभन्दा बढी नापी किताबमा चढाई धेरै रकम भुक्तानी गरेको भन्ने उजुरी परेपछि अख्तियारले अनुसन्धान थालेको थियो ।