नेपालगन्ज, मंसिर २९ । बाँकेमा जीपको ठक्करबाट एकजना प्रहरी जवानको मृत्यु भएको छ । सोही जीपको ठक्करबाट प्रहरी सहायक हवल्दार गम्भीर घाइते भएका छन् ।
बाँकेको मदनचोकमा गएराती ११ः०५ बजेको समयमा भे१च ३४०७ नम्बरको बलेरो जीपले ठक्कर दिँदा प्रहरी जवान विशाल वलीको मृत्यु भएको र प्रहरी सहायक हवल्दार लालबहादुर बुढा घाइते भएको प्रहरीले जनाएको छ ।
प्रहरीका अनुसार मदनचोक प्रहरी बिटमा कार्यरत वली र बुढालाई डिउटी सकेर घर जान हिँडेको अवस्थामा बलेरो जीपले ठक्कर दिएको थियो । गम्भीर घाइते रहेका दुवैलाई कोहलपुर मेडिकल कलेजमा ल्याएकोमा वलीको मृत्यु भएको थियो । अर्का गम्भीर घाइते बुढाको कोहलपुरमा प्रारम्भिक उपचार गरेर थप उपचारका लागि काठमाडौ लैजाने तयारी भएको छ । प्रहरी जीप र चालकलाई प्रहरीले नियन्त्रणमा लिएको छ ।
प्रतिक्रिया दिनुहोस्