काठमाडौं ७ माघ । भौतिक पूर्वाधार तथा यातायातमन्त्री प्रकाश ज्वालाले ६ लाख सवारी चालक अनुमतिपत्र ९स्मार्ट लाइसेन्स०को कार्ड आएको बताएका छन् ।

आइतबार सिंहदरबारमा बसेको भौतिक पूर्वाधार तथा यातायात मन्त्रालय र प्रदेश यातायात मन्त्रालयको बैठकमा मन्त्री ज्वालाले ६ लाख ल्याउने प्रक्रियामा रहेको बताए ।

मन्त्री ज्वालाले भने, “६ लाख कार्ड आइसक्यो थप ६ लाख आउँदैछ, १६ लाख सवारी चालक अनुमतिपत्र कार्ड र प्रिन्टरको ठेक्का भइसकेको छ ।”

हाल १४ लाख ४० हजार लाइसेन्स कार्डको माग छ । हाल यातायात व्यवस्था विभागसँग रहेको मेसिनमा दैनिक सात हजार कार्ड छाप्न सक्ने क्षमता छ ।

प्रदेश सरकारले पनि कार्ड र प्रिन्टरका लागि बजेट छुट्याएको छ । त्यो खरिद प्रक्रिया अघि बढ्यो भने स्थायी रूपमा कार्डको समस्या समाधान हुन्छ, मन्त्री ज्वालाले भने, विद्यतीय सवारी दर्ता प्रणाली पोखरामा र एकान्तकुनामा सञ्चालनमा आएको छ । पोखरामा सफल छ । एकान्तकुनामा अलि समस्या देखिएको छ ।

देशव्यापीरूपमा अनलाइन सिस्टमबाटै नवीकरण, आवेदन दिने, जस्ता काम अनलाइनबाटै गर्न सके विचौलिया हाबी नहुने उनले बताए ।

इम्बोस्ड नम्बर प्लेटको समस्या समाधान गरेर अघि बढ्नुपर्नेमा पनि मन्त्री ज्वालाले जोड दिए । यसले सरकारलाई राजस्वका हिसाबले पनि फाइदा गर्ने उनको भनाइ छ ।

नक्कली लाइसेन्सको विषयमा सीआईबी, मन्त्रालयबाट छानबिन भइरहेको पनि उनले बताए ।  “यो गलत काम पुरानोले गरेको होस् या नयाँले छानबिन हुन्छ र गल्ती गर्नेलाई कारबाही हुन्छ,” मन्त्री ज्वालाले भने ।