काठमाडौं ७ फागुन । इंग्लिस प्रिमियर लिगमा म्यानचेस्टर युनाइटेडले लुटन टाउनलाई हराएको छ।  आइतबार राति भएको खेलमा युनाइटेडले लुटनलाई २–१ गोल अन्तरले जितेको हो।

युनाइटेडको जितमा दुवै गोल रास्मस होजलन्डले गरेका हुन्।  लगातार यो चौथौ जितसँगै युनाइटेडले शीर्ष चारभित्र पर्ने सम्भावनालाई कायमै राखेको‌ छ।

होजलन्डले खेल सुरु भएको ४० सेकेन्डमै नै गोल गरी युनाइटेडलाई अग्रता दिलाएका थिए। सातौँ मिनेटमा फेरि अर्को गोल गरेका थिए। लुटनका चार्ल्टन मोरिसले १४औँ मिनेटमा गोल फर्काए। अन्ततः युनाइटेड २–१ गोलले विजयी भयो।

२५ खेलबाट ४४ अंक जोड्दै युनाइटेड छैटौँ स्थानमा छ। शीर्ष स्थानको लिभरपुलभन्दा युनाइटेड १३ अंकले पछि छ। लुटन २० अंकसहित १७औँ स्थानमा छ।

आइतबार राति नै भएको अर्को खेलमा ब्राइटनले सेफिल्ड युनाइटेडलाई ५–० ले हराएको छ। जितसँगै ब्राइटन ३८ अंकका साथ सातौं स्थानमा उक्लेको छ भने पराजित सेफिल्ड १३ अंकसहित तालिकाको‌ पुछारमा छ।