काठमाडौं । रुसको राजधानी मस्कोको एक म्युजिकल कन्सर्ट हलमा गोलीबारी तथा बम विस्फोट भएको छ। गोलीकाण्डमा कम्तीमा ४० जनाको मृत्यु भएको रुसी समाचार संस्थाहरुले जनाएका छन् । रूसमा भएको यो गोलीकाण्ड एक दशक यताकै भयानक भएको बताइएको छ ।
रुसी टेलिभिजन आरटीका अनुसार शुक्रबार साँझ बन्दुकधारीहरूको समूहले क्रोकस सिटी हलमा आक्रमण गर्दा कम्तीमा ४० जनाको मृत्यु भएको अधिकारीहरूले बताएका छन्। आक्रमणकारीहरूले भवनमा आगजनी गरेका छन् । प्रत्यक्षदर्शीहरूले उनीहरूले मल भित्र विस्फोटहरूकोआवाज पनि सुनेको बताएका छन्। मस्कोमा भएको गोलीकाण्डको इस्लामिक स्टेट समूहले शनिबार विहान जिम्मेवारी लिएको भारतीय समाचार संस्थाहरुले जनाएका छन् ।

आक्रमण भइरहेका बेला एक युवतीले आतंकित भएर रेकर्ड गरेको भिडियोमा गोली चलेको सुनिन्छ। भिडियोमा देखाइएका व्यक्तिहरूको परिचय भने अज्ञात छ।

https://t.me/genshtab24/51654
यही ७ मार्चमा अमेरिकी दूतावासले मस्कोमा ठूलो आक्रमण हुनसक्ने भन्दै आफ्ना नागरिकहरुलाई सचेत रहन चेतावनी दिएको थियो ।
गोलीकाण्डको युरोपियन युनियन, जर्मनी, फ्रान्स लगायतका देशका विदेशमन्त्रालयले निन्दा गरेका छन् । अमेरिकी अधिकारीहरुले भने मस्कोले युक्रेनमाथि आरोप लगाउन सक्ने भएकाले तथ्य पत्ता लगाउनु पर्ने प्रतिक्रिया जनाएको छ ।