काठमाडौं, ८ फागुन । नेपाल कम्युनिष्ट पार्टीका अध्यक्ष पुष्पकमल दाहाल प्रचण्डको सुरक्षार्थ  नया अंगरक्षक पठाइएको छ । लामो समयदेखि प्रचण्डक सुरक्षार्थ खटिएका डिएसपी दानबहादुर मल्लको दरबारमार्ग वृत्तमा सरुवा गरिएपछि नयाँ अंगरक्षकका रुपमा डिएसपी सन्तोषसिंह राठौरलाई पठाइएको हो ।

यसअघि महानगरीय नगर प्रहरी कार्यालय काठमाडौँमा रहेका राठौरलाई महानगरीय ट्राफिक प्रहरी महाशाखाको ट्राफिक अपराध अनुसन्धान तथा कारबाही शाखामा गएको भदौ महिनामा सरुवा गरिएको थियो। प्रचण्डकै सिफारिशमा हेडक्वार्टरले राठौरलाई अंगरक्षकमा खटाएको हो।

डिएसपी दानबहादुर मल्ललाई महानगरीय प्रहरी वृत्त दरबारमार्गमा सरुवा गरिएपछि राठौरलाई प्रचण्डको सुरक्षाको जिम्मेवारी दिइएको हो। राठौंरको कमाण्डमा २९ जना नेपाल प्रहरी प्रचण्डको सुरक्षामा खटिनेछन्।

यसबाहेक सशस्त्र प्रहरी बलका प्रहरी निरीक्षक खेम ठगुन्नासहित ३० जना प्रहरी पनि प्रचण्डको सुरक्षार्थ खटिदैँ आएको छन्। सुरक्षा थ्रेट बढ्न सक्ने भन्दै ५९ जना प्रहरी प्रचण्डको सुरक्षार्थ खटाइएको गृह मन्त्रालयले जनाएको छ।