काठमाडौं । ताप्लेजुङको सिरिजङ्घा गाउँपालिका सुदुर पुर्वको पर्यटकीय क्षेत्र हो । यहाँ पाथिभरा जस्तो पबित्र तिर्थस्थल र कञ्चनजंघा जस्तो नेपालको दोश्रो अग्लो हिमाल पर्दछ । सिरिजङ्घामा एसियाको ठूलो धुपी सल्ला छ । एसियाकै लामो ग्ल्यासिएर पनि यही गाउँपालिकामा रहेको छ । यिनै मनमोहक दृष्य र रमाइलोमा भुल्न बर्षिक लाखौं पर्यटकहरू यस क्षेत्रमा आउने गर्दछन् । राम्रो सडक सुबिधा भएको खण्डमा पर्यटकको चाप अझै गुणात्मक हिसाबले बढ्ने प्रवल सम्भावना रहेको छ ।२०८० सालको अन्तीम महिना चैत्रमा सिंहदरबारमा बजेट माग्नेको मेला नै लाग्यो । त्यो मेलामा सिरिजङ्घा गाउँपालिकाका उपाध्यक्ष डा. चित्र माबो पनि थिए । उनले चिया गफमा मजाक गर्दै भनिरहेका थिए, “ अधिकांश नेता, सांसद र गाउँपालिकाका प्रमुख, उपप्रमुखले भरिएको सिहदरबारको यो अवस्था हेर्दा राष्ट्रिय योजना आयोग र मन्त्रालय अरुबेला काम नै नगरी सुतेर बस्छ कि क्या हो । देश त्यतिकै टाँट पल्टिएको होइन नि १ यो मेला चलाएर आँखा चिम्म गरेर बाँडेको पैसोले देश कसरी बन्छ ?”

डा. माबोले यो कुरो पनि खुलाए कि सिरिजङ्घा बौद्धिक र प्रभावशाली व्यक्तिहरु जन्मिएको ठाउँ पनि हो । यो ठाउँमा जन्मिएका ३ जना अहिले बहालवाला संघिय संसद छन । सभामुख देबराज घिमिरे पनि यसै गाउँपालिकाको तीन नम्बर वडाका हुन् । लीला बोखिम, उर्मिला थेवे संघीय संसदमा छन् । नेपाली कांग्रेस, एमाले, माओवादी, राष्ट्रिय स्वतन्त्र पार्टीजस्ता ठुला दलको जिल्ला नेतृत्व पनि अहिले यहीँ गाउँपालिकाले पाएको छ । त्यति मात्र नभएर दलको भातृसंगठनको नेतृत्वहरु पनि यही पालिकाबाट छन् तर पनि नाथो एउटा सडक पनि बन्न सकेको छैन । ठुला मान्छे छन् भनेर के गर्व गर्नु ? सबै जुठेल्ना सजाउन खोज्छन्, प्रमुख समस्या के हो बुझ्दैनन् । गर्वसँगै गुनासो पनि गरिरहेका थिए उपाध्यक्ष डा। माबो । यो बर्ष ८, ९, १०,१२ वा १५ किलोमिटर जति भए पनि सिरिजङ्घामा बाटो निर्माण हुनुपर्छ । सबै दलका नेताहरुले यो कुरो महसुस गरेका छन् कि यो अति आवस्यक बाटो हो । यस पालिकाका सबै ठूला र प्रभावशाली व्यक्तिहरुले उपयुक्त पहल गर्नेमा आफू धेरै विश्वस्त रहेको बताउदै उपाध्यक्ष डा. माबोले थपे, “त्यति मात्र कहाँ हो र ? सिरिजङ्घा गाउँपालिकाले अहिलेको सडक मामिला हेर्ने बहालवाला प्रदेशका भौतिक मन्त्रीको पाँचथर जिल्लाको निर्वाचन क्षेत्र पनि आधा उधि भेटेको छ ।”

वास्तवमै यो सडक नबनिनुले यस क्षेत्रबाट उठेका भिआइपीहरुलाई गिज्याइ रहेको छ । अब पनि यो सडक नबन्नु भनेको त झन् लाजमर्दो अवस्था हो । प्रसिद्ध हास्यकलाकार मनोज गजुरेलको “गजुरियल” भन्दा बढी ब्याङ्गय सहितको हाँस्यपुर्ण हुनेछ । नेपाल सरकारका पर्यटन मन्त्री भईसकेका एमाले सचिव योगेश भट्टराईले जितेको ताप्लेजुङको यस क्षेत्रको सडकले माननीय योगेशलाई खोजिरहेको छ । यति प्रभावशाली र ठूला भनिएका नेताहरु हुँदा पनि सिरिजङ्घामा पिच सडक नबन्दा नेताहरु मात्र भएर पनि के नै हुँदो रहे छ र भन्ने जनगुनासो व्यप्त पाइन्छ । त्यसैले पनि चालु आर्थिक बर्षमा सिरिजङ्घा गाउँपालिकाको यो बाटो पिच हुन आवश्यक देखिन्छ ।