काठमाडौं १८ बैशाख । काठमाडौं मेडिकल कलेज शिक्षण अस्पतालमा कार्यरत डाक्टरमाथि हातपात गरेको प्रति नेपाल चिकित्सक संघले आपत्ति जनाएको छ ।

मंगलबार संघले विज्ञप्ति जारी गर्दै केएमसी अस्पतालमा कार्यरत चिकित्सक प्रा। डा। बिनिता प्रधान र डा। पूजा शाहमाथि गरेको हातपात र अस्पताल तोडफोडको विषयलाई लिएर आपत्ति जनाएको हो ।

विज्ञप्तिमा भनिएको छ, ‘‘चिकित्सक प्रा। डा। बिनिता प्रधान र डा। पूजा शाह माथि गरेको हातपात र अस्पताल तोडफोडको विषयलाई लिएर नेपाल चिकित्सक संघको गम्भीर ध्यानाकर्षण भएको छ । अस्पताल जस्तो संवेदनशील क्षेत्रमा उपचारको क्रममा भएको मृत्युलाई लापरबाही भनि अस्वाभाविक आरोप लगाई स्वास्थ्य संस्था नै तोडफोड गर्ने जस्ता अपराधिक कार्य गरेको घटना प्रति यस संघ घोर भत्सर्ना र निन्दा गर्दछ ।’

यस्तै संघले चिकित्सकमाथि कुटपिट गर्ने घटनामा संलग्न दोषीलाई अबिलम्ब छानबिन गरी कारबाही गर्नसमेत माग गरेको छ ।