काठमाडौं १५ जेठ । सूचना प्रविधि क्षेत्रमा १० वर्षमा ३० खर्बको बराबरको सेवा निर्यात गर्ने लक्ष्य लिइएको छ।
सरकारले आगामी आर्थिक वर्षको बजेट सार्वजनिक गर्दै आइटी क्षेत्रबाट उत्पादन हुने वस्तु तथा सेवाको निर्यातलाई बढाउने निणर्य गरेको हो ।
यस्तै सेवा उत्पादनमा बृद्धि गर्नका लागि ५ लाख प्रत्यक्ष तथा १० लाख अप्रत्यक्ष रोजगारी सिर्जना गर्ने लक्ष्यसहित आगामी आर्थिक वर्षलाई सूचना प्रविधि दशकको प्रस्थान वर्षको रूपमा अगाडि बढाइने भएको हो ।
सूचना प्रविधिलाई अर्थतन्त्रको सम्वाहक क्षेत्रको रूपमा स्थापित गर्ने उदेश्यका साथ नवीनतम् प्रविधि अवलम्बन गर्न कानूनी आधार तयार गरिने उल्लेख गरिएको छ ।
प्रतिक्रिया दिनुहोस्