काठमाडौं ३० असार। अमेरिकाको पेन्सलभेनियामा भएको पूर्व राष्ट्रपति डोनाल्ड जे ट्रम्पको चुनावी सभामा गोली काण्ड भएको हो । गोली काण्डमा गोली चलाउने व्यक्ति र अर्को एकजना गरी दुई जनाको मृत्यु भएको न्यूयोर्क टाइम्सले उल्लेख गरेको छ।
पेंसिल्भेनियामा पूर्वराष्ट्रपतिको र्यालीमा भएको गोली काण्डमाबारे जानकारी दिएका व्यक्तिहरूका अनुसार ट्रम्पमाथि एउटा व्यक्तिले गोली चलाएपछि गोली चलाउने व्यक्तिको मृत्यु भएको र एक दर्शकको पनि मृत्यु भएको छ । नोभेम्वरमा हुने चुनावका लागि रिपव्लिकन उम्मेदवार ट्रम्पलाई स्टेजबाट हतार हतारमा निकाल्दा उनको अनुहारमा रगत लतपतिएको देखिएको थियो ।खुफिया अधिकारीका अनुसार ट्रम्प ‘सुरक्षित’ छन्।

https://x.com/CollinRugg/status/1812250962297548849

राष्ट्रपति बाइडेनले पेंसिल्भेनियामा भएको एक अभियान र्यालीमा पूर्व राष्ट्रपति डोनाल्ड जे. ट्रम्पमाथि एक सशस्त्र व्यक्तिले गोली चलाएको घटनाको निन्दा गरेका छन् ।
प्रत्यक्ष दर्शीका अनुसार ट्रम्पको अनुहार र कान रगताम्मे देखिएका थिए ।

घटनाका प्रत्यक्षदर्शीका अनुसार सन्का व्यक्तिलाई खुफिया अधिकारीले पनि गोली हानी हत्या गरिदिएका छन् ।

ट्रम्प ‘ठीक’ छन्, उनको अभियानका प्रवक्ताले जानकारी दिए। उनलाई खुफिया अधिकारीहरले एजेन्टहरूले स्टेजबाट हटाएर उनको मोटरकेडमा लगेका थिए । उनलाई मोटरकेडतर्फ लैजाँदै गर्दा, ट्रम्पले भीडलाई एक विरोधी स्वरमा बोलिरहेको न्यूयोर्क टाइम्सले लेखेको छ ।