काठमाडौं ६ भदौ । स्वतन्त्र सांसद डा. अम्रेश कुमार सिंहले कांग्रेस र एमाले मिलेर त्रिभुवन विश्वविद्यालयको जग्गा बाँडेर खान व्यंग्यात्मक आक्रोश पोखेका छन् । सिंहले दुई दलले अनिर्णयको बन्दी बनाएको बारे संसदको शून्य समयमा बोल्दै नेपालमा बुद्धिभन्दा बल ठूलो,त्यो भन्दा पनि दल ठूलो बनेको अवस्थाप्रति चिन्ता व्यक्त गरे।
नेपालमा कांग्रेस र एमाले मिलेर जे गरेपनि हुने अवस्था सिर्जना गर्न लागेको भन्दै भ्रष्टाचार मुद्धामा ५ बर्षे हदम्याद राखेर आफ्ना भ्रष्टाचारी नेतालाई ब्रह्मलुट मच्चाउने लाइसेन्स बांड्न लागेको भन्दै सिंहले चिन्ता व्यक्त गरे ।
त्यसअघि संसदमा बोल्दै रास्वपा सांसद तथा पूर्व शिक्षा मन्त्री सुमना श्रेष्ठले अघिल्लो सरकारले शिक्षकहरुलाई दलीय राजनीतिबाट मुक्त गर्ने नीतिलाई उल्टाएको ,प्रधानमन्त्रीले सार्वजनिक रुपमा आफ्नो बद्नाम गरेको बारेमा प्रश्न उठाएकी थिइन् ।
संसदको शून्य समयमा बोल्दै रास्वपा सभापति रवि लामिछाले आफ्नो पार्टीले भ्रष्टाचार मुद्धामा कुनै पनि प्रकारका हद म्याद राख्न नहुने अडानमा रहेको बताएका थिए ।