काठमाडौं, २३ भदौ ।  होटल एशोसिएसन अफ नेपाल (हान) का अध्यक्ष विनायक शाहले पर्यटन प्रवद्र्धनमा सरकारले ध्यान दिन नसकेको बताएका छन् ।शाहले एबीसी टेलिभिजनको कार्यक्रम ‘आउटलुक विजनेश‘का लागि प्रधानसम्पादक शुभशंकर कँडेलसँग कुरा गर्दै एक सय ५० भन्दा बढी लुम्बिनी क्षेत्रको पर्यटकीय सम्भावनालाई केन्द्रित गरेर होटल तथा पर्यटकीय क्षेत्रमा निजी क्षेत्रको लगानी बढ्दो भएपनि राज्यले चासो नदिएको बताए ।

बुद्ध जन्मस्थल लुम्बिनी क्षेत्रको पर्यटन प्रवर्द्धनका लागि पर्यटकीय पूर्वाधारमा लगानी थपिँदै गएको छ । यहाँको पर्यटकीय क्षेत्रमा निजी क्षेत्रको लगानी रु ६० अर्बभन्दा बढी पुगेको छ । तर लुम्बिनीको पर्यटकीय सम्भावनालाई केन्द्रित गरेर रूपन्देहीका होटल व्यवसायमा मात्रै झण्डै  ३० अर्बभन्दा बढीको लगानी पुगेको शाहले बताए ।

पर्यटन व्यवसायीका अनुसार रुपन्देहीमा साना–ठूला गरी दुई हजार पाँच सय होटल छन् । यसमध्ये एक सय ५० भन्दा बढी लुम्बिनी क्षेत्रको पर्यटकीय सम्भावनालाई केन्द्रित गरेर होटल तथा पर्यटकीय क्षेत्रमा निजी क्षेत्रको लागानी बढ्दो भएपनि राज्यले चासो नदिएको बताए । शाह सँगको विस्तृत कुराकानी शुक्रबार राती एबीसी टेलिभिजनबाट प्रसारण भएको थियो । यसको भिडियो लिंक यहाँ दिइएको छ ।