काठमाडौं १२ मंसिर । इजरायल र हेजबुल्लाहबीचको युद्धविराम सम्झौता लागू भएपछि मानिसहरू धमाधम घर फर्कन थालेका छन्।
यो सम्झौता अमेरिकी राष्ट्रपति जो बाइडेनले घोषणा गरेपछि बुधबारदेखि लागू भएको हो। तर इजरायली सेनाले केही क्षेत्रमा आफ्ना नागरिक फिर्ता गर्न ‘ग्रिन सिग्नल’ दिएको छैन।
दक्षिणी लेबनान जाने राजमार्गमा मानिसहरूमा उत्साह देख्न सकिन्छ। धेरैजसो लेबनान र इजरायलको सिमानामा अवस्थित दक्षिणी लेबनानका सहर र गाउँबाट ठूलो संख्यामा मानिसहरू भागेका थिए।
अर्कातर्फ, उत्तरी इजरायलको सीमामा रहेको यहुदी बस्ती महिनौंँदेखि खाली छ र केही मानिस यो सम्झौताबाट आक्रोशित छन्।
तर, दुवै पक्षबाट विस्थापित नागरिकको फिर्ताका लागि दुवै पक्ष एक कदम अगाडि बढेका छन्।
घर फर्केका कतिपयले आफ्नो घर भग्नावशेषमा परेको पाए । तर, धेरैको अनुहारमा फर्केको खुसी देख्न सकिन्छ।
प्रतिक्रिया दिनुहोस्