काठमाडौं १६ मंसिर । भियतनामले हनोईदेखि होची मिन्ह शहरसम्म उच्च गतिको रेलमार्ग निर्माण गर्ने घोषणा गरेको छ । जसका लागि ६७ अर्ब अमेरिकी डलर लाग्ने अनुमान रहेको भियतनाम सरकारलाई उद्धृत गर्दै सामाचारसंस्था एएफपीले जनाएको छ ।
राजधानीदेखि व्यापारिक केन्द्र होची मिन्ह शहरसम्म निर्माण गरिने एक हजार पाँच सय किलोमिटरभन्दा बढी लम्बाइको रेलमार्गले रेलको अहिलेको ३० घण्टे यात्रालाई झन्डै पाँच घण्टामा झार्नेछ ।
भयतनाम संसदको वेबसाइटमार्फत् सार्वजनिक विज्ञप्तिमा रेलमार्ग निर्माणका लागि राष्ट्रिय सभामा मतदान भई परियोजनो अनुमोदन भएको उल्लेख छ । सन् २०१० मा राष्ट्रिय सभाले ५६ अर्ब अमेरिकी डलर अनुमान गरिएको यही परियोजना निकै महँगो भएको भन्दै खारेज गरेको थियो ।
प्रतिक्रिया दिनुहोस्